Nënshkruhet Memorandumi i Mirëkuptimit dhe Bashkëpunimit midis AKMC dhe TIA

Sot, më datë 15 tetor 2020, në mjediset e Tirana International Airport (TIA) u organizua takimi për nënshkrimin e Memorandumit të Mirëkuptimit dhe Bashkëpunimit “Për zvogëlimin e riskut nga fatkeqësitë natyrore”, ndërmjet drejtorit të Përgjithshëm të Agjencisë Kombëtare të Mbrojtjes Civile (AKMC), z. Haki Çako dhe autoriteteve të menaxhimit të TIA, z. Constantin von Alvensleben, CEO dhe z. Volker Wendefeuer, COO.

Memorandumi synon krijimin e kuadrit bashkëpunues për zvogëlimin e riskut nga fatkeqësitë dhe mbrojtjen civile në Aeroportin Kombëtar të Tiranës si dhe përcaktimi në mënyrë të qartë i të drejtave dhe detyrimeve konform Ligjit 45/2019, “Për Mbrojtjen Civile” në RSH.

Pas nënshkrimit të këtij memorandumi u zhvillua një stërvitje simuluese në rast të një situate ushtrimore emergjence në territorin e aeroportit ndërkombëtar “Nënë Tereza”, me pjesëmarrjen e strukturave operacionale të Forcave të Armatosura, Policisë së Shtetit, Mnzsh dhe strukturave të menaxhimit aeroportual.