3 vjet arritje në Forcat e Armatosura

3 vjet janë shumë pak në historinë e Forcave të Armatosura shqiptare, por gjatë këtyre viteve, ku në krye të Ministrisë së Mbrojtjes është ministrja Olta Xhaçka, me shumë punë e shumë mund është arritur të shëndërrohen Forcat e Armatosura në një forcë më moderne, më profesioniste, më të arsimuar, e mbi të gjitha, më meritokratike:

• një trajtim më dinjitoz për ushtarakët, duke rritur pagën e tyre në vitin 2018 dhe duke rikthyer pagesën e vështirësisë dhe trajtimin ushqimor, që iu mohua me të padrejtë në 2013.
• Akreditim i Akademisë së FA, si i vetmi institucion i arsimit të lartë në fushën e Mbrojtjes dhe Sigurisë, duke hedhur kështu një tjetër hap të rëndësishëm drejt modernizimit të FA.
• modernizimi i infrastrukturës, pajisjeve e kapaciteteve, duke filluar nga

o sistemet e radarëve;
o helikopterët Blackhawk,
o pajisjen me mjetet e duhura të Batalionit të dytë të Këmbësorisë (b2k);
o certifikimin nga NATO të Batalionit Kombando dhe b2k
o njësia për luftën kibernetike që i është shtuar sot FA.

• Shqipëria përmes Ministrisë së Mbrojtjes ka drejtuar disa nisma të rëndësishme si SHBA - Karta e Adriatikut (A5) apo SEDM.

Janë zhvillime që vlerësohen edhe nga partnerë e aleatë, të cilët, sot e shohin Shqipërinë jo thjesht si një shtyllë stabiliteti në rajon, por edhe si një eksportues sigurie, kudo ku Aleanca përballet me sfida. Treguesi më i qartë e i dukshëm i këtij besimi është Baza e Kuçovës, e para bazë ajrore e NATO në Ballkanin Perëndimor, në të cilën do të fillojnë së shpejti punimet.