Cikli i parë - Bachelor

bachelor foto

 
Programe studimi të ciklit të parë (3 ose 4 vite, 180 - 240 ECTS)

1 - "Studime në Shkenca Ushtarake";
2 - "Navigim Detar në fushën e Mbrojtjes”;
3 - "Teknologji Informacioni dhe Komunikim në fushën e Mbrojtjes";
4 - “Shkenca Komunikimi në fushën e Mbrojtjes”;
5 - "Marrëdhënie Ndërkombëtare në fushën e Mbrojtjes".

Për të konkurruar në një nga programet e ciklit parë bachelor, maturantët duhet të ndjekin procedurën në portalin UAlbania:

https://ualbania.al/

të plotësojnë tek këndi i maturantit formularin A2 pranë shkollave të mesme dhe brenda afateve të përcaktuara në kalendarin e përbashkët të RASH dhe QSHA, ku duhet të zgjedhin 1 ose 3 nga programet që ofron AFA.

Pas plotësimit të formularit A2 bëhet shpallje e dy listave paraprake të fituesëve. Të gjithë aplikantët duhet të paraqiten në AFA për t'u regjistruar dhe për të marrë pjesë në konkursin institucional, ku do të bëjnë kontrollin shëndetësor, testin fizik dhe intervistën.
Në përfundim të konkursit rezultatet e kandidatëve publikohen në portalin UAlbania dhe në website të AFA dhe regjistrohen pranë AFA brenda afateve, fazave 48 orëshe të përcaktuara në kalendarin e përbashkët.

Kriteret e pranimit për studentët që dëshirojnë të ndjekin një nga programet bachelor ose master janë:

Mosha: Kandidatë deri në 24 vjeç e gjysmë në fillim të vitit akademik.
Arsimimi: Kriteri i arsimimit minimal, i mesëm i lartë.
Kriteret fizike: Gjatësia minimale 165 cm (meshkuj) dhe 160 cm (femra).
Kriteret shëndetësore: Gjendje shëndetësore e përshtatshme dhe pastërti e figurës.
Kriteri i notës mesatare hyrëse në përputhje me VKM nr. 436 datë 3.6.2020: “Për përcaktimin e kriterit të notës mesatare 2020 - 2021, 2021 - 2022 dhe 2022 - 2023” ≥ 6,5.

 Cikli i parë - Bachelor mundëson:  

Bursa të plota dhe tarifa studimi zero;
Trajtim financiar mujor dhe akomodim falas;
Literaturë dhe ushqim falas;
Kartën e studentit;
Praktika profesionale dhe shkëmbime studentësh me akademitë më prestigjioze brenda NATO;
Mundësi studimi në programe master dhe trajnime në fusha të ndryshme në akademitë më të mira dhe prestigjioze në vendet e BE, në MB dhe SHBA (bursa) të financuara nga MM ose vende aleate të NATO;
Diplomë e vlefshme kombëtare dhe ndërkombëtare;
Punësim i garantuar për të paktën 10 vite dhe karrierë ushtarake,
Përfaqësi diplomatike ushtarake,
Statusi i ushtarakut,
Pension suplementar.

 



Artikuj nga Newsroom