Ministria e Mbrojtjes dhe Forcat e Armatosura ditë pas dite pranë qytetarëve në përballimn e vështirësive të krijuara nga COVID - 19

Fotogaleria

Ministria e Mbrojtjes dhe Forcat e Armatosura ditë pas dite kanë qenë pranë qytetarëve gjatë gjithë periudhës së lockdown në përballimn e vështirësive të krijuara nga COVID - 19. Kronologjia e kësaj pranie gjendet e përmbledhur në këtë artikull. Për hollësi të mëtejshme mund të konsultoni artikullin e datës ...

***

18 – 23 maj 2020

Gjatë gjithë kësaj jave angazhimi i strukturave të FA ka qenë më i madh pasi operacioni humanitar është shtrirë pothuajse në të gjitha qarqet e vendit dhe më së shumti në qarqet e Jugut të Shqipërisë, duke filluar nga Durrësi e duke zbritur në Gjirokastër, Korçë, Berat, Fier dhe deri në qarkun e Vlorës.

***

e shtunë, 16 maj 2020 12:25

COVID - 19 ka patur ndikimet e tij në shumë sektorë të jetës ekonomike dhe sociale në vend por nuk ndryshoi fokusin e Ministrisë së Mbrojtjes (MM) dhe Forcave të Armatosura (FA) për t’iu gjendur pranë qytetarëve në vështirësi.

Ministrja e Mbrojtjes Olta Xhaçka ndoqi nga afër grumbullimin e pakove për qarkun e Elbasanit si dhe shpërndarjen e tyre për disa banorë në fshatrat e kësaj bashkie dhe asaj të Peqinit:
Operacioni i nisur dy muaj më parë do të vazhdojë për të ndihmuar që të gjitha familjet në nevojë të përballojnë këtë situatë të vështirë. Unë shpresoj që shumë shpejt t’i rikthehemi normalitetit. Deri atëherë, ne do t’i jemi në krah dhe do të mbështesim çdo familje në nevojë. Përmes operacionit humanitar, mbështetur në një skemë të mirëkoordinuar mes shumë institucioneve në dy muaj mbi 370.000 familje dhe individë janë ndihmuar me ushqime, barna e shërbime të tjera, ndërsa janë shpërndarë nëpër shtëpi rreth 500.000 pensione në të gjithë vendin. Shpërndarja e pakove ushqimore bëhet në bazë të listave, të cilat vijnë nga bashkitë përmes administratorëve socialë, por që kryqëzohen e verifikohen pastaj me shërbimet sociale e institucione të tjera për të bërë një identifikim të mirë të nevojave të tyre dhe asistencës që mund t’ju ofrojmë”.



***

10 – 16 maj 2020

Gjatë kësaj jave strukturat e FA kanë vijuar operacionin humanitar për shpërndarjen e ndihmave ushqimore përkatësisht në: qarkun Kukës, bashkitë Kukës, Has, Tropojë, qarkun Dibër, në bashkitë Dibër, Mat, Klos, Bulqizë dhe Peshkopi, qarkun Elbasan, në bashkitë Librazhd, Gramsh, Peqin, Përrenjas, Cërrik, Belsh si dhe në të gjithë bashkitë e qarkut të Tiranës dhe do të vijojë edhe në qarqet Shkodër, Lezhë, Korçë, Fier, Berat, Gjirokastër e Vlorë.
Gjithashtu ka vazhduar mbështetja e Policisë së Shtetit në pikat e kontrollit dhe në patrullime 24/24.

***

e martë, 12 maj 2020 09:29

120 mjekë e infermierë të specialiteteve të ndryshme, pjesë e FA, të angazhuar pranë Spitalit të Traumës kanë dhënë një kontribut të jashtëzakonshëm në këto kohë pandemie.

Që prej muajit mars FA ngritën çadrat e triazhit në mjediset e jashtme të Spitalit të Traumës, ku kryheshin kontrolle paraprake për konstatimin e pacientëve me COVID-19.



***

e hënë, 11 maj 2020 10:46

Operacionet humanitare të FA dhe Rezervave të Shtetit kanë vijuar edhe në fundjavë. Këtë të dielë efektivët e Komandës Mbështetëse të FA dhe Rezervat e Shtetit shpërndanë pako ushqimore në mbi 600 familje në nevojë e pensionistë të vetmuar në bashkitë Mat, Bulqizë e Klos.

***

e martë, 28 prill 2020 18:52

Efektivët e FA të angazhuar çdo ditë të javës në garantimin e zbatimit të masave të marra për periudhën e pandemisë së COVID - 19 u përshëndetën nga ministrja e Mbrojtjes Olta Xhaçka: “Mirënjohjen më të thellë për çdo burrë e grua në uniformë që sot janë të angazhuar 24/7, duke u ardhur në ndihmë njerëzve më në nevojë dhe duke siguruar respektimin e masave kundër COVID - 19, në këmbim të kohës pranë familjeve e fëmijëve të tyre në këto kohë të vështira. Me respektin më të madh. Krenari për FA!”

***

e martë, 21 prill 2020 18:38

Përgjatë pesë javëve, 24.720 efektivë të FA dhe 3.187 mjete, në një mesatare ditore prej 850 efektivë dhe 100 mjetesh, kanë vijuar dhe vijojnë detyrat e patrullimit të përbashkët me Policinë e Shtetit, për zbatimin e ndalimit të kufizuar të lëvizjes në të gjithë vendin.
Forca Tokësore, Policia Ushtarake dhe Komanda Mbështetëse me anë të DMR, kanë vijuar operacionin e patrullim-monitorimit dhe pika kontrolli në të gjitha qytetet kryesore të vendit.
Po ashtu edhe Komanda e Doktrinës dhe Stërvitjes është angazhuar gjatë këtyre pesë javëve në monitorim dhe distancim social, ku në përbërje të tyre janë atashuar efektivë nga Forca Ajrore, efektivë të Komandës Mbështetëse dhe ASNI.
Efektivë të Forcës Detare gjithashtu janë angazhuar në Durrës në operacionet të monitorimit dhe distancimit social, si dhe patrullim në fashat e orareve të përcaktuara, ndërsa efektivë të Batalionit të Mbështetjes në SHPFA janë angazhuar kryesisht në Shtëpinë e Pushimit të Ushtarakëve dhe ka mbështetur me mjete transporti Shtabin e Përgjithshëm.
Gjatë këtyre ditëve të fundit, FT dhe PU kanë marrë në ruajtje hotelet ku po akomodohen shtetasit që po riatdhesohen, kryesisht në qytetet Durrës, Shkodër, Korçë dhe Gjirokastër.
Njësia mjekësore ushtarake, kanë bërë furnizimin e forcave në operacion me maska, doreza e dezinfektant ndërsa personeli i NJMU vazhdon shërbimin "triage" në hyrje të Spitalit të Traumës me shërbim 24 orësh me dy turne.

***

e shtunë, 11 prill 2020 14:42

Pak ditë pasi u vendosën masat e reja në tregje, ministrja e Mbrojtjes Olta Xhaçka së bashku me kryetarin e Bashkisë së Tiranës Erion Veliaj inspektuan tregun e fruta zarzavateve në Kombinat, por edhe disa nga pikat e tjera në kryeqytet. Në të gjitha tregjet e inspektuara është vënë re sensibilizim i qytetarëve në ruajtjen e distancës dhe mbajtjen e radhës, sipas parametrave të përcaktuar.

Ministrja e Mbrojtjes shprehu mirënjohje për mbi 1.000 efektivë të angazhuar si në terren për shpërndarjen e pakove ushqimore, ashtu edhe në 70 postblloqe apo tregje.



***

e shtunë, 11 prill 2020 11:43

Rezervat e Shtetit në Lundër prej javësh janë kthyer në një kantier të madh ku punohet pa ndërprerje për të bërë të mundur asistencën me pako ushqimore të mijëra familjeve në nevojë. Ministrja e Mbrojtjes Olta Xhaçka është rikthyer për të disatën herë gjatë kësaj periudhe në mjediset e Rezervave të Shtetit për të parë situatën, shoqëruar edhe nga shefi i Shtabit të Përgjithshëm gjeneral brigade Bardhyl Kollçaku dhe drejtori i Agjencisë Kombëtare të Mbrojtjes Civile (AKMC) Haki Çako.

E rëndësishme është që kontrata që sapo kemi finalizuar prej 830 mijë eurosh, na krijon mundësinë që të furnizohemi me mallra ushqimore për t’i ardhur në ndihmë mbi 30.000 familjeve.

Ajo kërkoi ndihmën e Komandës Mbështetëse për të vënë në dispozicion magazinat e saj pasi ato të Rezervave të Shtetit nuk mjaftojnë për magazinimin e të gjitha produkteve për shkak të sasisë së madhe të pakove që përgatiten.

Drejtori i AKMC, Haki Çako garantoi se deri më tani situata është plotësisht në kontroll në bashkëpunim edhe me kryetarët e bashkive.

***

e premte, 10 prill 2020 11:15

Pak ditë pasi u dorëzuan rreth 208 pako për familjet në nevojë të Shkodrës, në bashkëpunim me “Fundjavë ndryshe” iu dorëzuan pushtetit vendor 45 ton ushqime për shtresat më të dëmtuara nga situata e COVID - 19. Në dorëzimin e këtyre ndihmave, ministrja e Mbrojtjes, bashkë me prefektin Çesk Millja e kryetaren e Bashkisë Shkodër Voltana Ademi dhe përfaqësues të Klerit, theksoi se familjet në nevojë janë identifikuar dhe ndihmat do të shpërndahen menjëherë. 

***

e martë, 07 prill 2020 18:46

Forca Tokësore në terren me automjetet e blinduara dhe njësi patrullimi. Batalioni I në Shkodër dhe Lezhë, Batalioni II në Tiranë, Durrës dhe Vlorë, Batalioni III në Lushnje, Berat dhe Fier, ndërsa Batalioni i Mbështetjes me Luftim në Elbasan.
Forca Ajrore vijon patrullimin me grupe në rrugët kryesore të Tiranës si Rruga e Dibrës, Medreseja, Qyteti i Studentit, 21 Dhjetori, Astiri, Laprakë dhe Kombinat. Zona ku patrullojnë dhe efektivët e AISM.
Forcës Detare i është atashuar Policisë së Shtetit në qytetin e Durrësit me grupe patrullimi.
Komanda e Doktrinës dhe Stërvitjes patrullon në Tiranë, ku është angazhuar dhe me vendosjen e sinjalistikave për respektimin e distancës nga qytetarët.
Policia Ushtarake në postblloqe në Tiranë, Durrës, Korçë, Burrel, Bulqizë, Peshkopi dhe në Kukës si edhe gjatë orarit 05:00-13:00 mbështesin policitë bashkiake në tregjet e fruta - perimeve.
Komanda Mbështetëse, vazhdon patrullimin nëpërmjet DMR në qytetet Dibër, Mat, Burrel, Kukës, Korçë dhe Gjirokastër.



***

e martë, 31 mars 2020 11:55

Në depot e Rezervave të Shtetit, strukturat e FA vijojnë intensivisht punën për përgatitjen e pakove ushqimore për familjet në nevojë dhe ato të prekura nga tërmeti.
Operacioni humanitar i shpërndarjes së ndihmave ushqimore ka vijuar gjatë këtyre ditëve edhe ne qarkun e Shkodrës (në fshatin Shoje, fshatin Grudë dhe lagjen Arrë e Madhe) si dhe në qarkun e Durrësit në Sukth, Kënetë, Rashbull dhe Porto Romano).
Forca Tokësore është e angazhuar: Batalioni I i është atashuar Policisë së Shtetit në Shkodër dhe Lezhë, Batalioni II në Tiranë, Durrës dhe Vlorë, Batalioni III Lushnje dhe Fier ndërsa Batalioni Komando në Elbasan, ku po shërbejnë ditë dhe natë, në bashkëpunim me Policinë e Shtetit.
Batalioni i Mbështetjes me Luftim vijon të marrë masat me Kompaninë e Kimisë, e cila kryen dezinfektimin e përditshëm të ambienteve të punës dhe makinave që kthehen nga detyra.
Komanda Mbështetjes kanë vijuar angazhimin e tyre në qarkun e Shkodrës, ku kanë shpërndarë ndihma ushqimore si dhe rreth 210 thasë me miell për banorët, gjithashtu në Njësinë Administrative Sukth, në fshatin Borak dhe në Njësinë Administrative Rashbull, ku janë shpërndarë një sasi e konsiderueshme me pako ushqimore.

***

e martë, 24 mars 2020 10:26

Efektivët e FA kanë vijuar shpërndarjen e pakove ushqimore gjatë të hënës në Kamëz, Bathore, Kavajë e Rrogozhinë. Efektivë të Batalionit të Xhenios, të Komandës Mbështëse, në bashkëpunim me Emergjencat Civile dhe pushtetin vendor përgatitën rreth 300 pako ushqimore që u shpërndanë për familjet në nevojë të këtyre zonave.

***

e shtunë 28 mars

Gjatë 24 orëshit të fundit janë dërguar një sasi e konsiderueshme pakosh ushqimore në zonën e Vorës, në njësinë administrative Bërxullë, Prezë, në njësinë administrative Zall-Herr dhe në fshatin Çerkez – Morinë.

***

e enjte, 26 mars 16:01

Gjatë ditës së sotme operacioni humanitar për shpërndarjen e ndihmave ushqimore familjeve në nevojë ka vijuar në bashkinë Shijak dhe në njësinë administrative Manëz, ku është ndjekur nga afër dhe nga shefi i Shtabit të Përgjithshëm të FARSH, gjeneral brigade Bardhyl Kollçaku dhe komandanti i Komandës Mbështetëse gjeneral brigade Ndriçim Sallaku.
Gjithashtu, vijojnë të jenë në terren automjete të blinduara të Forcës Tokësore të pajisur me efektivë, të cilët janë ndarë në qarqet e prekura nga ky virus, për të mbështetur Policinë e Shtetit, për të disiplinuar të gjithë ata qytetarë të cilët nuk respektojnë fashat e orareve dhe krijojnë kështu shpesh edhe rrezikshmëri për shëndetin e banorëve të tjerë.
Njëkohësisht Kompania e Kimisë vijon punën intensive për dezinfektimin e ambienteve të punës, mjeteve të cilat hyjnë në garnizon, si dhe atyre që kthehen nga detyra, duke parandaluar përhapjen e pandemisë në radhët e efektivëve të saj, gjë që ndikon në shëndetin e tyre por dhe në operacionalitetin e Forcës.

***

e mërkurë, 25 mars 13:46

Vetëm gjatë ditës së sotme efektivët e FA kanë shpërndarë 300 pako në qarkun e Lezhës dhe Mirditës. në fshatin Ndërfan të njësisë administrative Rrëshen, duke iu gjendur pranë në këto ditë të vështira familjeve në nevojë.

***

e hënë, 23 mars 2020 10:30

Efektivë të FA janë angazhuar këto ditë në terren në pothuaj të gjithë vendin, për të garantuar zbatimin e masave të qeverisë për ndalimin e përhapjes së virusit COVID - 19.
Në terren ndodhen efektivë të Batalionit të Dytë të Këmbësorisë dhe Policisë Ushtarake, të cilët asistojnë Policinë e Shtetit për të mos lejuar qarkullimin e mjeteve dhe qytetarëve përtej orareve të përcaktuara.
Në Durrës është e përfshirë edhe Forca Detare, ndërsa në qytetet e tjera, garantimi i zbatimit të disiplinës nga ana e qytetarëve po monitorohet nga Detashmentet e Mbështetjes Rajonale.Këto ditë Forcat e Armatosura janë të angazhuara në të gjithë Shqipërinë, duke u përfshirë edhe në një operacion humanitar të shpërndarjes së ndihmave për ato familje me kryefamiljarë pensionistë dhe ato që janë në pamundësi ekonomike.

***

e shtunë, 21 mars 2020 14:37

Efektivë të FA kryesisht nga Policia Ushtarake dhe Forca Tokësore, me mjetet e blinduara HUMVE kanë nisur patrullimin për respektimin e ndalimit të lëvizjes në autostradën Tiranë - Durrës dhe qytetin e Durrësit.

***

e premte, 20 mars 2020 18:46

Forcat e Armatosura janë në mbështetje të Policisë së Shtetit për disiplinimin dhe ndërgjegjësimin e qytetarëve për respektimin e rregullave të vendosura këto ditë. Ato i gjen në çdo lagje të Tiranës për të monitoruar respektimin e rregullave të krijuara për shkak të COVID – 19, në funksion të rritjes së ndërgjegjësimit të qytetarëve për mbrojtjen e shëndetit të çdo qytetari. Në terren ndodhen automjete të blinduara të Forcës Tokësore.

***

e enjte, 19 mars 2020 10:37

Ministrja e Mbrojtjes Olta Xhaçka, shoqëruar edhe nga drejtori i AKMC Haki Çako, ka qenë në Thumanë, Shijak e Ishëm për të shpërndarë së bashku me efektivë të FA pakot ushqimore për familjet në nevojë. dhe i ka këshilluar të respektojnë rregullat e përcaktuara për t'u mbrojtur nga COVID - 19. FA, përmes AKMC dhe Rezervat e Shtetit janë angazhuar që në bashkëpunim me pushtetin vendor të shpërndajnë në të gjitha bashkitë e vendit ndihma ushqimore për të moshuarit dhe familjet e varfëra.

***

e mërkurë, 18 mars 2020 16:21

Nis nga Thumana shpërndarja e pakove të para ushqimore për pensionistët kryefamiljarë dhe familjet në nevojë. Të parët kanë qenë banorët e Thumanës, të goditur më së shumti edhe nga tërmeti i 26 nëntorit 2019. Vetë ministrja e Mbrojtjes Olta Xhaçka ka ndjekur shpërndarjen e pakove në terren, gjatë orëve të vona të së martës.
Ndërsa sot paradite, shpërndarja e pakove ka vijuar në bashkinë e Shijakut dhe në zonat e tjera përreth, ku mjaft banorë për shkak edhe të izolimit nga pandemia e Covid - 19 nuk kanë mundësi të sigurojnë furnizimet e përditshme.
Pakot që kryesisht përmbajnë produktet ushqimore bazë dhe detergjentë do të vijojnë të shpërndahen çdo ditë, në bazë të listave të përgatitura më parë nga pushteti vendor.

***

e martë, 17 mars 2020 17:55

Nis përgatitja e pakoveve ushqimore, pensionistët kryefamiljarë dhe familjet në nevojë do të kenë shumë shpejt ndihmat e para për të përballuar situatën e krijuar nga rreziku i virusit COVID-19.
Ministrja e Mbrojtjes Olta Xhaçka ishte te Rezervat e Shtetit, ku pa nga afër punën që po bëhet për përgatitjen e pakove që do t'u shpërndahen kësaj shtrese sociale.

***

e hënë, 16 mars 2020 17:20

Forcat e Armatosura janë angazhuar në terren, në kuadër të masave të marra nga qeveria shqiptare për ndalimin e përhapjes së virusit COVID - 19. Kështu Policia Ushtarake dhe Batalionit II të Këmbësorisë, janë angazhuar në komunikimin me qytetarët për t’i ndërgjegjësuar ata të qëndrojnë në shtëpi e të respektojnë distancimin social me qëllim parandalimin e përhapjes së koronavirusit.




MM dhe FA ditë pas dite pranë qytetarëve në përballimn e vështirësive të krijuara nga COVID - 19 Qershor 2020 Ministria e Mbrojtjes dhe Forcat e Armatosura ditë pas dite kanë qenë pranë qytetarëve gjatë gjithë...
Dekorata nga NATO dhe Afghanistani për ushtarakët e Forcave të Armatosura Qershor 2020 MONS, Belgjikë - zëvendësshef i Shtabit për Operacionet në SHAPE (Supreme Headquarters Allied Poëers Europe), gjeneralmajor...
Si të mbrohemi nga COVID -19? Mars 2020 Ministria e Mbrojtjes dhe Forcat e Armatosura të Republikës së Shqipërisë, si pjesë e strukturave shtetërore, po ndjekin nga afër dhe kanë marrë masat për parandalimin e përhapjes së COVID-19...
Kryesimi i Nismave Rajonale SEDM dhe A5 Shtator 2019 Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit...
“Albanian Effort 19” 19 shtator 2019“Albanian Effort 19” mblodhi në Bizë rreth 800 efektivë nga Shqipëria, SHBA, Mbretëri e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova...
Angazhimi i FA në shuarjen e zjarreve 09 shtator 2019Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri...
68 vjet Arma e Aviacionit 24 prill 2019Hapi i parë për të krijuar një Aviacion Ushtarak në Shqipëri, u hodh në 1914, kur qeveria shqiptare porositi blerjen e...
Shqipëria 10 vite në NATO Mars 2019Viti 2019 përkon me 10 - Vjetorin e Anëtarësimit të vendit tonë në NATO, më 1 Prill 2009...
Ditari Javor 2019Ditari, të rejat kryesore të javës...
Ministeriali i Mbrojtjes, Bruksel 26 - 27 qershor 26 - 27 qershor 2019Ministrja e Mbrojtjes, Olta Xhaçka mori pjesë në Ministerialin e Zëvendësministri i Mbrojtjes Petro Koçi mori pjesë në punimet e Ministerialit të Mbrojtjes të NATO që u zhvillua në Bruksel,...
Ministeriali i NATO, Xhaçka: 2% e PBB për FA deri në vitin 2024 4-5 tetor 2018Ministrja e Mbrojtjes, Olta Xhaçka mori pjesë në Ministerialin e Mbrojtjes së vendeve anëtare të Aleancës të Atlantikut të Veriut...
Ministrja Xhaçka vizitë zyrtare në SHBA 17-18 prill 2018Washington - Shtetet e Bashkuara të Amerikës e vlerësojnë Shqipërinë një aleat të denjë të NATO dhe vend lider në Ballkanin Perëndimor...
FA shpëtojnë nënën e sëmurë në Kukës27 shkurt 2018Pas 3 orë ecjeje në këmbë, Forcat Armatosura kanë arritur të transportojnë për në spitalin rajonal të Kukësit...
Ministeriali i NATO, takimi Stoltenberg - Xhaçka14 - 15 shkurt 2018Ministrja Xhaçka merr pjesë në takimin e ministrave të Mbrojtjes të vendeve anëtare të NATO në Bruksel...
Fotogaleri/FA angazhim maksimal për situatën e përmbytjeveNëntor - Dhjetor 2017Angazhimi i Forcave të Armatosura të Republikës së Shqipërisë për situatën e përmbytjeve.
NATO: Misioni i “Orikut” në Egje, moment i rëndësishëm për Forcat Detare shqiptare24 nëntor 2017Misionit të anijes patrulluese të forcës detare shqiptare “Oriku”, e cila ishte pjesë e operacionit të NATO-s, “Sea Guardian”, i është dedikuar një shkrim në faqen zyrtare të NATO-s...
BBC: Shqipëria rehabiliton varrezat e dëshmorëve pas dekadash të lëna në harresë15 nëntor 2017Prestigjiozja britanike BBC, i ka bërë jehonë nismës së Ministrisë së Mbrojtjes për rehabilitimin e varrezave të dëshmorëve...
Mbyllet takimi i shefave të Mbrojtjes të NATO17 shtator 2017Mbylli punimet formale Konferenca e Komitetit Ushtarak të NATO, e cila u zhvillua për herë të parë në vendin tonë...
Zhvillohet në Tiranë Konferenca e Komitetit Ushtarak të NATO16 shtator 2017Në vendin tonë ka nisur punimet Konferenca e Komitetit Ushtarak të NATO, e cila mbledh së bashku shefat e shtabeve të ushtrive të vendeve anëtare të Aleancës...
Intervistë me gjeneral Petr Pavel, kryetar i Komitetit Ushtarak të NATO15 shtator 2017Intervistë me gjeneral Petr Pavel dhënë për revistën "Mbrojtja"...
Zhvillohet stërvitja shqiptaro-britanike “Ushtar Eagle 17”14 shtator 2017Në kuadër të stërvitjes së përbashkët ndërmjet FA të Shqipërisë dhe FA të Mbretërisë së Bashkuar u zhvillua sot “Dita e Vizitorëve të Shquar” të stërvitjes “Ushtar Eagle 17”...
Programi qeverisës 2017-2021 për Sigurinë dhe Mbrojtjen13 shtator 2017Qeveria e re e RSH mori detyrën pas ceremonisë së betimit në Presidencë. Nga programi qeverisës 2017-2021 veçojmë pjesën që ka lidhje me Sigurinë dhe Mbrojtjen...
Kontributi i Forcave të Armatosura në infrastrukturëShtator 2017Ministria e Mbrojtjes dhe Forcat e Armatosura gjithmonë kanë treguar përkushtim dhe angazhim maksimal në ndihmë të popullsisë civile...
Bëhuni pjesë e Forcave të Armatosuraprill 2018Qendra e Personel Rekrutimit ka filluar regjistrimin e kandidatëve për ushtarë/detarë aktivë dhe kërkon të rekrutojë 100...
Strategjia UshtarakeKorrik 2015Në themel të Strategjisë Ushtarake të Republikës së Shqipërisë është aspirata e popullit shqiptar dhe vullneti politik për të realizuar vizionin e përbashkët...
Direktiva e Mbrojtjes 2020Janar 2020 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 06 (2020) Qershor 2020Numri i fundit i revistës "Mbrojtja"...
Gazeta Ushtria 19 qershor 2020Numri i fundit i të përjavshmes gazeta "Ushtria"...






Arkivi Lajmeve
Korrik 2020
Ma En Pr Sh Di
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2