Në datat 17-19 shtator 2024, do të zhvillohet në Tiranë konferenca e 27-të e Shefave të Shtabit të Përgjithshëm të Iniciativës SHBA – Karta e Adriatikut (A-5).
Kjo konferencë do të bashkëkryesohet nga shefi i Shtabit të Përgjithshëm të FARSH gjeneralmajor Arben Kingji dhe komandanti i Komandës Amerikane në Evropë, gjeneral Christopher Cavoli.
Një ekip efektivësh nga Detashmenti CIMIC i Forcës Tokësore, mori pjesë në stërvitjen vjetore "Saber Junction 2024", e cila zhvillohet në Grafenwöhr dhe Hohenfels të Gjermanisë.
Në këtë stërvitje, të drejtuar nga Komanda e Armatës së 7-të të SHBA marrin pjesë ekipe të vendeve aleate dhe partnere të NATO.
Ramstein - Gjermani: Ministri Mbrojtjes z. Pirro Vengu mori pjesë në takimin e 24-ët të Grupit të Kontaktit për Mbrojtjen e Ukrainës (UDCG), koalicion i përbërë nga të gjitha vendet e NATO-s dhe më shumë se 18 vende partnere, të bashkuar dhe të vendosur për të ndihmuar Ukrainën kundër pushtimit të paprovokuar të nisur nga Rusia që prej shkurtit 2022.
Gjatë Ministerialit për Mbrojtjen e Ukrainës (UDCG), ministri i Mbrojtjes, Pirro Vengu diskutoi për çështje të ndryshme me interes dypalësh me homologët e Italisë, Britanisë së Madhe, Kanadasë dhe Letonisë.
Rijetësimi i industrisë ushtarake, një nga pikat qendrore të programit të qeverisë shqiptare, ishte në qendër të bisedimeve me homologët, ndërsa u dakordësuan edhe veprimtari të përbashkëta që kanë lidhje me sigurinë ndërkombëtare në kuadër të NATO.
