Përurohen mjediset e reja të Muzeut të Forcave të Armatosura
- e mërkurë, 06 dhjetor 2023 17:26
Muzeu i Forcave të Armatosura do të jetë tashmë në mjediset e tij të reja në Bërzhitë.
Në ceremoninë e inaugurimit të hapësirave të reja morën pjesë ministri i Mbrojtjes Niko Peleshi, ministri për Evropën dhe Punët e Jashtme Igli Hasani, ministrja për Rininë Bora Muzhaqi, ish - ministrja e Mbrojtjes Olta Xhaçka, deputetë të Komisionit për Sigurinë Kombëtare, zëvendësshefja e Shtabit të Përgjithshëm të FA gjeneralmajor Manushaqe Shehu si dhe komandantë të forcave të ndryshme.
Të pranishmit u njohën me hapësirat e reja të muzeut që është i ndarë në 5 pavijone, në të cilat janë të ekspozuara objekte, informacione për historinë ushtarake, ilustrime me harta dhe foto, që nga ilirët e deri në ditët e sotme.