NATO, në politikën e saj për vazhdimin e zbatimit të procesit të “tranzicionit” shpallur në Samitin e Lisbonës dhe mbështetur në politikën e Samitit të Çikagos “exit strategy”, ka shtruar synimin për arritjen e suksesit dhe daljen nga lufta në Afganistan. Në deklaratën e Samitit të Uellsit mbi Afganistanin, theksohet përfundimi i operacionit ISAF duke i lënë vendin operacionit Resolute Support Mission - RSM.
Bazuar në politikat e sipërpërmendura, MM dhe SHPFA, përshtatën nivelin e angazhimit të pjesëmarrjes në operacionin ISAF deri në mbylljen e tij më 31 dhjetor 2014 duke vijuar kontributin në operacionin ushtarak RSM.
Për vitin 2014 angazhimi i FARSH në Afganistan, Bosnjë Hercegovinë dhe Kosovë kanë qenë:
1. ISAF Afganistan, 148 ushtarakë;
2. KFOR Kosovë (shtab + AISM), 21 ushtarakë;
3. ALTHEA Bosnje Hercegovinë, 2 ushtarakë.
Në total 171 ushtarakë të angazhuar.
Për vitin 2015 niveli i angazhimit të FARSH në operacione dhe misione ndërkombëtare, NRF, në kuadër të ‘Masave të Sigurisë’ dhe të ‘Planit të Veprimit të Gatishmërisë’ së Aleancës parashikon një shifër totale prej 286 ushtarakësh (pa llogaritur rotacionet e misioneve).
Për vitin 2016 niveli i angazhimit të FARSH në operacione dhe misione ndërkombëtare, NRF, në kuadër të ‘Masave të Sigurisë’ dhe të ‘Planit të Veprimit të Gatishmërisë’ së Aleancës ka qënë 413 ushtarakë (pa llogaritur rotacionet e misioneve çdo 6 muaj).
Për vitin 2017 niveli i angazhimit të FARSH në operacione dhe misione ndërkombëtare, NRF, në kuadër të ‘Masave të Sigurisë’ dhe të ‘Planit të Veprimit të Gatishmërisë’ së Aleancës parashikohet të jetë 619 ushtarakë.
Aktualisht (nëntor 2019) niveli i angazhimit në operacione dhe misione ndërkombëtare është si vijon: në “RSM”, Afganistan vijon kontributi i FARSH me 132 ushtarakë; në KFOR, Kosovë, vijon kontributi i FARSH me 29 ushtarakë; “ALTHEA”, vijon kontributi i FARSH me 1 ushtarak; “EUTM Mali”, vijon kontributi i FARSH me 4 ushtarakë; “Aegean Sea” në detin Egje vijon kontributi me 22 ushtarakë; në kuadër të Prezencës së Përparuar të Përforcuar (eFP), Riga, Letoni vijon kontributi i FARSH me 21 ushtarakë; në operacionin ushtarak UNMISS në kuadër të OKB vijon kontributi i FARSH me 2 ushtarakë (kontribut i shtuar gjatë vitit 2019).
