Kontributi Aktual

Forcat e Armatosura janë aktualisht të angazhuara në misione paqeruajtëse dhe luftarake në Bosnje dhe Hercegovinë, Kosovë, Sudani i Jugut dhe eFP Letoni, Bullgari, Irak, detin Egje,etj dhe konkretisht: në dhjetor 2024 në KFOR, Kosovë, vijon kontributi i FARSH me 250 ushtarakë, në kuadër të Prezencës së Përparuar të Përforcuar (eFP), Riga, Letoni vijon kontributi i FARSH me 44 ushtarakë; në Novo Selo, Bullgari vijon Aktiviteti i Vigjilencës së Përforcuar (enhanced Vigilance Activity - eVA) me 60 ushtarakë; “ALTHEA”, Bosnje dhe Hercegovinë vijon kontributi i FARSH me 2 ushtarakë; “NSATU” (NATO Assistance and Training for UKR.), Wiesbaden, Gjermani vijon kontributi me 1 ushtarak; Misioni i NATO-s me një anije e klasit “Iliria” të Forcës Detare në operacionin FOCOPS (NATO Focus Collection Operations) në detin Mesdhe me 42 ushtarakë; në detin Egje 44 ushtarakë; “NMI” - misioni i NATO në me Irak 2 ushtarakë; në kuadër të OKB vijon kontributi i FARSH në operacionin ushtarak UNMISS (UN mission in South Sudan) dhe UNISFA - Abyei (UN Interim Security Force vfor Abyei) në Sudanin e Jugut me 6 ushtarakë; në Sinai, Republika Arabe e Egjiptit në Misonin e Forcës Shumëkombëshe dhe Vëzhgimit (Multinational Force and Observations - MFO) me 3 ushtarakë.

Lexo më shumë...



Planifikime për shtim kontributi

Planifikohet të kemi shtim kontributi në misionet e mëposhtme:

2025

1. Misioni “ALTHEA”, Bosnje dhe Hercegovinë
2. Misioni “KFOR”, Kosovë
3. Misioni “NSATU”, Wiesbaden, Gjermani
4. Misioni “INTERFEX” në mbretërinë e Bashkuar në kuadër të “NSATU”

Lexo më shumë...



NSATU - Wiesbaden, Gjermani

Më 1 dhjetor 2024 ka filluar kontributi i Forcave të Armatosura në Misionin e Asistencës dhe Trajnimit për Ukrainën (NATO Assistance and Training for UKR. - NSATU) në Wiesbaden, Gjermani , me rotacion 1 - vjeçar me 3 ushtarakë nga Policia Ushtarake.



Sinai, Republika Arabe e Egjiptit

Më 25 qershor 2023 ka filluar kontributi i Forcave të Armatosura në Misionin e Forcës Shumëkombëshe dhe Vëzhgimit (Multinational Force and Observations - MFO) në Sinai, Republika Arabe e Egjiptit, me rotacion 1 - vjeçar  me 3 ushtarakë nga Policia Ushtarake.



Aktiviteti i Vigjilencës së Përforcuar (eVA) në Novo Selo, Bullgari

Duke filluar nga 29 nëntor 2022, FARSH është angazhuar në Aktivitetin e Vigjilencës së Përforcuar (eVA) në Novo Selo, Bullgari.

Kontingjenti i FARSH i përbërë nga 30 ushtarakë, dislokohet në përbërje të Grup-batalionit të NATO- në kufinjtë lindore të Aleancës.

Vend drejtues i këtij misioni eshte Italia.

Rotacioni i kontingjenteve është çdo 6 muaj.



Sudani i Jugut

Vijon kontributi i FARSH në operacionin ushtarak United Nations Mission In South Sudan - UNMISS në kuadër të Organizatës së Kombeve të Bashkuara - OKB me 2 ushtarakë, kontribut i shtuar gjatë vitit 2019.

Në total 13 ushtarakë.

Shtohet në gusht 2023 kontributi i FARSH me 1 efektiv të FARSH, rotacion 1- vjeçar në UNISFA, Abeyi zonë .



Prezenca e Përparuar e Përforcuar e NATO (eFP) Letoni

Duke filluar nga qershori i viti 2017, FARSH është angazhuar më një togë EOD si pjesë e grup - batalionit kanadez të Prezencës së Përparuar të Përforcuar të NATO (eFP) në Letoni të përbërë nga 18 ushtarakë. 

Ministri i Mbrojtjes ka miratuar shtimin e kontributit të FARSH me 3 ushtarakë në eFP në Letoni.

Vijon kontributi i FARSH gjatë vitit 2022 në operacionin i NATO në kuadër të Prezencës së Përparuar të Përforcuar (eFP), Riga, Letoni me 41 ushtarakë.

Vijon kontributi i FARSH gjatë 6-mujorit të parë 2023 në operacionin i NATO në kuadër të Prezencës së Përparuar të Përforcuar (eFP), Riga, Letoni me 44 ushtarakë dhe konkretisht:

- 1 togë EOD në BG kanadez, me 20 ushtarakë,
- 1 pozicion në HQBG kanadez,
- 1 pozicion në Rajonin e 3 të ACCI, në Letoni.



Artikuj nga Newsroom