Irak

Në Irak, në kuadër të forcave të koalicionit në operacionin "Liria e Irakut", Forcat e Armatosura të Republikës së Shqipërisë, nga 14 prill 2003 deri më 23 dhjetor 2008 morën pjesë në koalicionin e vendeve aleate dhe partnere, duke angazhuar 12 kontingjente paqeruajtëse në Mosul dhe 1 kontingjent në Bagdat. Gjithsej në këto misione janë angazhuar 1335 ushtarakë.

Në përfundim të operacionit "Liria e Irakut", filloi një tjetër operacion por tashmë i drejtuar nga NATO, i koduar "NATO Training Mission", i cili për më shumë se tre vjet shërbeu për ringritjen, mbështetjen dhe trajnimin e trupave dhe shtabeve të ushtrisë irakene. FARSH u angazhuan me 2 ushtarakë, nga 22 mars 2010 deri më 20 dhjetor 2011, për 4 rotacione. Gjithsej në këto misione janë angazhuar 8 ushtarakë.

Kontributi i FARSH, nga viti 2003 dhe deri në vitin 2011, në Irak, është 1345 ushtarakë.

Në vitin 2022, FARSH do të rifillojnë angazhimin në misionin e NATO në Irak, me një ushtarak, këshilltar në Universitetin Ushtarak të Gjuhëve të Huaja të Ushtrisë Irakene.

Misioni u mbyll me datë 25 mars 2023.

Në qershor 2023 FARSH angazhohen me rotacion 6-mujor në “NMI” Misioni i NATO me 2 ushtarakë dhe konkretisht: 1 këshilltar Dega Këshillimit NMI, Menaxhimi i Burimeve Njerëzore dhe 1 staf-asistent në Degën OPS NMI, asistent për mësimet e nxjerra.

Lexo më shumë...

Kosovë

Në korrik të vitit 2009, FARSH u angazhua në operacionin e drejtuar nga NATO, KFOR në Kosovë me përfaqësues në Shtab dhe NAT (Ekipi Këshillues i NATO, pranë FSK). 

Gjithashtu, duke filluar nga tetori 2021, një kompani e Policisë Ushtrake vijon të jetë e angazhuar në operacionin e NATO “Allied SOLACE” për ruajtjen dhe menaxhimin e fshatit “Bechtel”, ku janë strehuar punëtorët afganë të NATO, të evakuar nga Afganistani.

Kontributi i FARSH gjatë vitit 2023:

1. Shtabi i “KFOR” ne Prishtinë, Kosovë:

a) 10 efektivë të FARSH
b) 2 efektivë të AISM në ekipin operacionalt ë Aleancës në Komandën e Përbashkët (TFA) të Kundërzbulimit(ACCI)
c) 2 efektivë të AISM në HUMINT

2. Komanda Rajonale Perëndimore (RC-W) në Pejë:

a) 3 efektivë të FARSH në shtabin e Komandës Rajonale Perëndimore (RC-W)
b) 30 efektivë të FARSH në kompaninë italiane të batalionit kinetik
c) 30 efektivë të FARSH në kompaninë kroate të batalionit kinetik
d) 13 efektivë të FARSH, pjesë e batalionit të zbulimit, vëzhgimit dhe roikonicionit (ISR)

Kontributi i FARSH gjatë vitit 2022:

1. Shtabi i “KFOR” ne Prishtinë, Kosovë:

a) 18 efektivë të FARSH
b) 4 efektivë të AISM në ekipin operacional të Aleancës në Komandën e Përbashkët (TFA) të Kundërzbulimit (ACCI)
c) 4 efektivë të AISM në HUMINT

2. Komanda Rajonale Perëndimore (RC-W) në Pejë:

a) 3 efektivë të FARSH në shtabin e Komandës Rajonale Perëndimore (RC-W)
b) 30 efektivë të FARSH në kompaninë kroate të batalionit kinetik
c) 26 efektivë të FARSH, pjesë e batalionit të zbulimit, vëzhgimit dhe rikonicionit (ISR)

Bosnje dhe Hercegovinë

Kontingjenti i parë i FARSH u angazhua më 9 shtator 1996 dhe vazhdoi deri në dhjetor 2007. Gjithsej 21 kontingjente, ku janë angazhuar 1348 ushtarakë.

Në prill 2008, në kuadër të operacionit ALTHEA, të kryesuar nga Bashkimi Evropian, vendi ynë ka dërguar në Bosnje-Hercegovinë, një grup AEM (EOD) me 13 ushtarakë, nga të cilët një përfaqësues në Shtabin e EUFOR), gjithsej në këtë mision kanë marrë pjesë 114 vetë.

Kontributi i Forcave të Armatosura, nga viti 1996 dhe deri më sot, në Bosnje - Hercegovinë, është 1473 ushtarakë.

Aktualisht vazhdon angazhimi, në bazë rotacioni, me 1 (një) përfaqësues në shtabin e EUFOR, në operacionin ushtarak të BE “ALTHEA”.

Lexo më shumë...