Bosnje dhe Hercegovinë

Kontingjenti i parë i FARSH u angazhua më 9 shtator 1996 dhe vazhdoi deri në dhjetor 2007. Gjithsej 21 kontingjente, ku janë angazhuar 1348 ushtarakë.

Në prill 2008, në kuadër të operacionit ALTHEA, të kryesuar nga Bashkimi Evropian, vendi ynë ka dërguar në Bosnje-Hercegovinë, një grup AEM (EOD) me 13 ushtarakë, nga të cilët një përfaqësues në Shtabin e EUFOR), gjithsej në këtë mision kanë marrë pjesë 114 vetë.

Kontributi i Forcave të Armatosura, nga viti 1996 dhe deri më sot, në Bosnje - Hercegovinë, është 1473 ushtarakë.

Aktualisht vazhdon angazhimi, në bazë rotacioni, me 1 (një) përfaqësues në shtabin e EUFOR, në operacionin ushtarak të BE “ALTHEA”.

Kontingjenti i parë i FARSH u angazhua më 9 shtator 1996 dhe vazhdoi deri në dhjetor 2007 me kontingjentin e 21. Ato morën pjesë në operacionet IFOR dhe SFOR të drejtuara nga NATO dhe operacionin ALTHEA, komanda EUFOR, drejtuar nga Bashkimi Evropian.

shtator - dhjetor 1996,  NATO Implementation Force (IFOR), 37 ushtarakë.
janar 1997 - nëntor 2004,  NATO, Stabilization Force (SFOR), 815 ushtarakë.
nëntor 2004 - dhjetor 2007, kohë në të cilën misioni përfundoi me sukses detyrën në Bosnje-Hercegovinë, në kuadër të operacionit të ALTHEA, të kryesuar nga Bashkimi Evropian, 420 ushtarakë.

Gjithsej 21 kontingjente (nga 1 - 4 me 37 ushtarakë dhe nga 5 - 21 me 71 ushtarakë), ku janë angazhuar 1348 ushtarakë në detyra sigurie dhe ruajtje baze, duke qenë në vartësi operacionale dhe në mbështetje të realizimit të detyrave paqeruajtëse të komandës gjermane.

Gjithashtu në kuadër të operacionit ALTHEA, të kryesuar nga Bashkimi Evropian, vendi ynë ka dërguar në Bosnje-Hercegovinë, një grup AEM (EOD) me 13 ushtarakë (nga të cilët një përfaqësues në Shtabin e EUFOR), në prill 2008, në interes të Shtabit të EUFOR.

Kontingjentet AEM (EOD) 1-6 janë të përbërë nga 12 vetë specialistë të armatim-municioneve dhe një oficer, përfaqësues i lartë i palës shqiptare me detyrë oficer shtabi për operacionet në J3 - EUFOR.

Kontingjentet AEM (EOD) 7-8 janë të përbërë nga 10 veta EOD plus 1 përfaqësues në shtab, në total 11 ushtarakë.
Kontingjentet AEM (EOD) 9-10 janë të përbërë nga 6 veta EOD plus 1 përfaqësues në shtab, në total 7 ushtarakë.

Gjithsej në këtë mision kanë marrë pjesë 114 vetë.

Kontributi i Forcave të Armatosura, nga viti 1996 dhe deri më sot, në Bosnje - Hercegovinë, është 1473 ushtarakë.

Aktualisht vazhdon angazhimi, në bazë rotacioni, me 1 (një) përfaqësues në shtabin e EUFOR, në operacionin ushtarak të BE “ALTHEA”.