Inovacioni

Qendra e Inovacionit të Sigurisë dhe Mbrojtjes (QISM) ka mision inovacionin dhe të gjitha proceset e lidhura me të nëpërmjet mbështetjes, monitorimit e vlerësimit të programeve, teknologjisë dhe projekteve që i përkasin fushës së Sigurisë dhe Mbrojtjes.

Synohet avancimi i kapaciteteve të Sigurisë dhe Mbrojtjes përmes projekteve inovatore dhe integrimit të teknologjive bashkëkohore; nxitja e ekosistemit, afrimi i talenteve dhe mbështetja e startup - eve si edhe kultivimi i një mjedisi të qëndrueshëm dhe produktiv që inkurajon sinergjinë midis ideve inovative dhe realizimit efektiv në fushën e Sigurisë dhe Mbrojtjes; përmirësim i proceseve dhe operacioneve të brendshme, optimizimi i shpërndarjes së burimeve dhe matja e progresit.; angazhim i vazhdueshëm për kërkim dhe zhvillim, ofrim të ekspertizës, ndarje të njohurive, dhe përfaqësim të QISM në skenën ndërkombëtare.

Projektet e propozuara nga Ministria e Mbrojtjes dhe Shtabi i Përgjithshëm kanë në fokus përmirësimin dhe modernizimin e Forcave të Armatosura dhe drejtorive të ndryshme.

Gjithashtu punohet edhe me projekte në lidhje me emergjencat civile apo tjetër për të ofruar ekspertizë dhe mjetet e disponueshme për zgjidhjen e problematikave, të cilat ndikojnë drejtpërdrejt me sigurinë dhe mbrojtjen e jetës të qytetarëve të Republikës së Shqipërisë.