Andrea Shllaku

Zëvendësministër i Mbrojtjes i Republikës së Shqipërisë
2025 -

Z. Andrea Shllaku prej 19 dhjetor 2025 është zëvendësministër i Mbrojtjes i Republikës së Shqipërisë.

Z. Andrea Shllaku zotëron një diplomë Bachelor në Administrim Biznesi dhe një diplomë Master i Shkencave në Menaxhim Financiar dhe Politika Evropiane nga Qendra Universitare Evropiane për Studime Evropiane, Universiteti i Lorenës, Francë.

Ai ka përvojë të gjerë profesionale në menaxhimin financiar, menaxhimin e projekteve, logjistikën portuale, procedurat doganore dhe të import-eksportit, si dhe në administratën publike.

Z. Shllaku e nisi karrierën e tij si specialist në Departamentin e Këshillimit Financiar pranë Deloitte Albania and Kosovo, ku u angazhua në analizën e pasqyrave financiare dhe vlerësimin e bizneseve. Më pas, ai shërbeu si koordinator i Fondeve IPA dhe specialist marketingu në Ministrinë e Inovacionit, duke kontribuar në përmirësimin e shërbimeve publike dhe forcimin e mekanizmave të transparencës.

Më tej, ai mbajti për tre vite pozicionin e shefit të Shërbimeve të Brendshme në Zyrën e Kryeministrit, ku ishte përgjegjës për planifikimin dhe koordinimin e operacioneve logjistike në nivelin më të lartë të qeverisjes.

Pas këtij roli, z. Shllaku shërbeu për tre vite si shef kabineti i drejtorit të Përgjithshëm Ekzekutiv të Autoritetit Portual të Durrësit dhe më pas për dy vite si drejtor i Divizionit Operacional, duke mbikëqyrur operacionet portuale dhe duke kontribuar në zhvillimin strategjik të Autoritetit Portual.

Ai shërbeu gjithashtu si këshilltar i jashtëm për infrastrukturën portuale pranë Ministrisë së Mbrojtjes, deri në emërimin e tij si kreu i Autoritetit Shtetëror të Kontrollit të Eksporteve në nëntor 2024.

Ai flet rrjedhshëm frëngjisht, anglisht dhe italisht.

This email address is being protected from spambots. You need JavaScript enabled to view it.