Konferenca e Sigurisë së Mynihut, Shqipëria forcon angazhimin në mbrojtjen kolektive

Konferenca e Sigurisë së Mynihut vijon të mbetet një nga forumet më të rëndësishme ndërkombëtare, ku mblidhen zërat më me peshë të sigurisë dhe formësohet debati strategjik në një moment sfidues për Evropën dhe rendin euroatlantik.

Në kuadër të pjesëmarrjes në Konferencën e Sigurisë së Mynihut, Ministri i Mbrojtjes Pirro Vengu zhvilloi një sërë takimesh me homologët e tij nga vendet aleate dhe partnere, ku në fokus ishin sfidat aktuale të sigurisë, forcimi i partneriteteve dhe koordinimi i mëtejshëm në kuadër të mbrojtjes kolektive.
Gjatë vizitës, ministri mori pjesë gjithashtu në takime me drejtues të kompanive të mëdha ndërkombëtare në fushën e mbrojtjes dhe inovacionit, për të diskutuar mundësitë e bashkëpunimit dhe interesin konkret për zhvillimin e industrisë ushtarake në Shqipëri.

Një hapësirë e rëndësishme për të avancuar interesat kombëtare, për të forcuar rolin e Shqipërisë si partner i besueshëm dhe aktiv në arkitekturën e paqes dhe sigurisë në Evropë.