Ministrja e Mbrojtjes Kodheli inspekton Bazën Ushtarake në Gjadër, Lezhë

e hënë, 27 janar 2014 16:45

Foto Galeri

Ministrja e Mbrojtjes, znj. Mimi Kodheli, ishte sot për inspektim në Bazën Ushtarake Ajrore në Gjadër, Lezhë. Gjatë këtij inspektimi ministrja Kodheli shoqërohej nga komandanti i Forcës Ajrore, gjeneral brigade Frederik Beltoja. Fillimisht, ministrja e Mbrojtjes, znj. Mimi Kodheli është informuar mbi gjendjen e Bazës Ushtarake në Gjadër si dhe me problematikat që ka aktualisht kjo bazë. Më pas, ministrja Kodheli pa nga afër mjediset e Bazës Ushtarake Ajrore në Gjadër, si dhe ka takuar ushtarakët dhe punonjësit e saj.

Në vijim, ministrja Kodheli ka vizituar mjediset e Bazës Ushtarake Ajrore në Gjadër, ku u njoh me gjendjen dhe infrastrukturën e tuneleve, në të cilat ndodhen 32 avionë Mig që janë jashtë funksionit prej disa vitesh.