Forcat e Armatosura në operacion për përballimin e situatave të shkaktuara nga zjarret

e enjte, 30 korrik 2015 14:35

Foto Galeri

Në operacionin për shuarjen e zjarreve nga strukturat e FA-së deri tani janë angazhuar rreth 300 forca, 17 mjete transporti dhe 2 zjarrfikëse.    

Prej disa ditësh, Forcat e Armatosura janë të angazhuara në operacionin për shuarjen e zjarreve masive që kanë rënë në zonat dhe rajonet e pyllëzuara kodrinore dhe malore të vendit.

Kështu, efektivë të FA-ve janë angazhuar në mbështetje të strukturave të pushtetit vendor dhe popullsisë së rrezikuar nga zjarret në qarkun e Shkodrës, Lezhës, Durrësit, Fierit dhe Beratit. Në operacionin për shuarjen e zjarreve nga strukturat e FA-së deri tani janë angazhuar rreth 300 forca, 17 mjete transporti dhe 2 zjarrfikëse.    

Nisur nga situata ende problematike me zjarret për shkak të temperaturave të larta që vijon në vendin tonë, Komandat e Forcave dhe të njësive e reparteve ushtarake vijojnë të jenë në  komunikim të vazhdueshëm me Drejtorinë e Përgjithshme të Emergjencave Civile në Ministrinë e Brendshme dhe strukturat e pushtetit vendor për mbajtjen në gatishmëri të kapaciteteve operacionale të FA-së të deklaruara në “Planin Kombëtar për Përballimin e Emergjencave Civile” dhe të angazhuara për t’iu përgjigjur në çdo rast nevojave të popullatës së rrezikuar nga zjarret që vijnë për shkaqe natyrore apo ato të vëna nga dora e njeriut.