Forcat e Armatosura mposhtin zjarrin në fshatin Herraj

e enjte, 01 qershor 2017 21:12

Rreth 35 forca dhe 4 mjete, mes tyre dhe një autoambulance, nga Batalioni "Komando" të Forcës Tokësore i janë përgjigjur në kohe reale situatës së krijuar si pasojë e rënies së një zjarri në fshatin Herraj të Njësisë Administrative Zall - Herr ditën e sotme.

Menjëherë me marrjen e urdhrit nga Qendra e Bashkuar Operacionale rreth orës 14:20 të ditës se sotme, trupat "komando" nën drejtimin e zëvendëskomandantit të batalionit major Melsi Hysa, janë nisur për në vendngjarje, ku pasi kanë kontaktuar me përfaqësuesit e pushtetit vendor kane filluar menjëherë operacionin për fikjen e flakëve të zjarrit.

Pas rreth dy orësh "luftë" me zjarrin forcat komando kanë arritur te vendosin situatën nën kontroll dhe rreth orës 16:30 janë kthyer sërish në repart.