Forcat e Armatosura vijojnë angazhimin në shuarjen e zjarreve në disa qarqe në vend

e martë, 25 korrik 2017 19:08

Fotogaleria

Forcat e Armatosura të Shqipërisë vijojnë me intensitet të lartë angazhimin në shuarjen e zjarreve që kanë përfshirë disa qarqe të vendit.
Gjatë tre ditëve të fundit janë angazhuar 267 forca të ushtrisë si dhe 19 mjete në operacionet për shuarjen e zjarreve. 

Ndërkohë vetëm në qarkun e Tiranës janë angazhuar rreth 179 forca ushtarake si dhe 13 mjete kanë marrë pjesë në shuarjen e zjarreve të rëna në Malin e Derjes në afërsi të Malit e Dajtit, në pyllin me pisha në kodër tek liqeni i Kasharit si dhe në fshatin Ibë dhe Hekal, njësia administrative Bërzhitë.

Ndërsa 38 forca dhe tre mjete janë aktivizuar në shuarjen e flakëve në fshatin Luzat, njësia administrative Qendër në Tepelenë.
Gjithashtu në qarkun e Elbasanit janë angazhuar 30 efektivë në pjesën lindore të Uzinës së Lëndëve Plasëse në Mjekës si dhe 20 forca dhe 1 mjet janë angazhuar në fshatin Përrenjas, njësia administrative Tunjë në Gramsh.

FA kanë marë pjesë edhe në fshatin Malaj të Mirditës, ku u ngazhuan 30 forca dhe 2 mjete në operacionin për shuarjen e zjarreve.
Forcat e Armatosura mbeten në gatishmëri për t’u angazhuar në çdo situatë të krijuar nga zjarret.