Rreth 200 efektivë të Forcave të Armatosura në terren për shuarjen e zjarreve

Forcat e Armatosura të Republikës së Shqipërisë vijojnë pa ndërprerje angazhimin e tyre në shuarjen e zjarreve në të gjitha qarqet e vendit.

Vetëm gjatë 24 orëve të fundit, për të shuar zjarret në disa qarqe janë angazhuar rreth 200 efektivë të Forcave të Armatosura (të Komandës Mbështetëse dhe të Forcës Tokësore), 11 mjete transporti dhe 2 autoambulanca.

Gjatë gjithë ditës së sotme, Forcat e Armatosura janë angazhuar në Gjinar (qarku Elbasan); Finiq (Bashkia Sarandë), qarku Vlorë; mali Derjes (Dajt), qarku Tiranë dhe në Ulëz (Mat).

Duke ndjekur me vëmendje situatën në vend, Forcat e Armatosura do të vijojnë të mbeten në gatishmëri dhe gati për të ndërhyrë aty ku do jetë e nevojshme.