FA në terren, me 140 efektivë, 5 zjarrfikëse, 3 mjete transporti, 1 autoambulancë

Duke ndjekur situatën në mbarë vendin, Forcat e Armatosura të Republikës së Shqipërisë, vijojnë pa ndërprerje angazhimin e tyre në shuarjen e zjarreve në të gjitha qarqet e vendit.

Gjatë 24 orëve të fundit, me kërkesë të drejtorisë së Emergjencave Civile, për të shuar zjarret në disa qarqe janë angazhuar rreth 140 efektivë të ushtrisë (të Komandës Mbështetëse dhe të Forcës Tokësore), 3 mjete transporti, 1 autoambulancë dhe 5 zjarrfikëse.

Forcat e Armatosura mbeten të angazhuara në:

Voskopojë qarku Korçë, me 50 forca, 2 zjarrfikëse, 1 mjet transporti, 1 autoambulancë të Komandës Mbështetëse,
Velipojë, Shkodër, Komanda Mbështetëse po punon me 20 forca, 2 zjarrfikëse,
Rrëshen (Rreth i Epërm) nga ForcatTokësore janë në terren, 6 forca, 1 zjarrfikëse,
po nga Forca Tokësore, në Velipojë janë angazhuar 40 forca dhe 2 mjete.
Rrëshen, njësia administrative Orosh, fshati Nënshenjt janë të angazhuara për fikjen e zjarrit, 30 Forca Tokësore.

Aktualisht, në mbarë vendin janë 10 vatra zjarri ku dhe pse situata e zjarreve është nën kontroll, duke mbajtur bashkëpunim të vazhdueshëm me Emergjencat Civile, Forcat e Armatosura do të vijojnë të mbeten në gatishmëri dhe gati për të ndërhyrë aty ku do jetë e nevojshme.