Fier, helikopteri i Forcës Ajrore ndërhyn për shuarjen e zjarrit në pyllin e Semanit

e enjte, 23 gusht 2018 18:35

Pas zjarrit të rënë në pyllin e Semanit në Fier, një helikopter i Forcës Ajrore është nisur me urgjencë drejt vendngjarjes. Helikopterët “Cougar” të FA, janë pajisur 2 muaj më parë me kovat e posaçme me kapacitet 2500 litra.

Kovat e reja 2500 litër secila, rrisin me 7 herë kapacitetet e Forcave të Armatosura në krahasim me një vit më parë, kur për shuarjen e zjarreve nga ajri, kontraktohej shërbimi privat.

Rritja e kapaciteteve, falë mjeteve të reja të montuar në helikopterë, mundësohet edhe përmes orëve më të mëdha të fluturimit që kryejnë helikopterët Cougar.

Helikopteri i Forcave të Armatosura ndodhet në aksion dhe po punon për shuarjen e flakëve në bashkëpunim me zjarrfikset.