Gjirokastër, FA testojnë aftësitë reaguese për emergjencat

e premte, 21 qershor 2019 10:30

Fotogaleria

Për tre ditë me radhë, efektivët e Detashmentit të Mbështetjes Rajonale në Gjirokastër testuan aftësitë e tyre reaguese në ndihmë të popullatës, në rastet fatkeqësive natyrore.

Në stërvitjen e koduar “Gërhoti 2019”, trupat e DMR improvizuan shuarjen e zjarreve në terrene të vështira dhe zona urbane, evakuimin e personave nga rrënojat në raste tërmetesh si dhe dhënien e ndihmës së parë mjekësore.

Gjithashtu, në stërvitje u testuan kapacitetet për dislokimin në rajonin e stërvitjes, me të gjithë elementët të fushimit.

Operacionet e kërkim – shpëtimit ishin një tjetër element i kësaj stërvitjeje, për të cilat toga përkatëse tregoi nivel të lartë përgatitjeje.

Pjesë e stërvitjes “Gërhoti 2019”, ishin edhe përfaqësues nga detashmentet tjera të Mbështetjes Rajonale, si Korça, Kukësi e Burreli.

Me kalimin e Emergjencave Civile si fushë përgjegjësie e Ministrisë së Mbrojtjes, Forcat e Armatosura i kanë dhënë një rëndësi të veçantë, jo vetëm përgatitjes së trupave për reagimin në raste fatkeqësish, por edhe modernizimit me pajisje të përshtatshme për këto raste.