Newsroom Ministrja e Mbrojtjes Olta Xhaçka: 99% e zjarreve gjatë verës, të qëllimshme; të gjithë do përballen me ashpërsinë e ligjit 
Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri.
Ministrja, duke paraqitur të dhëna konkrete bën me dije se, pjesa më e madhe e tyre kanë qenë zjarre të qëllimshme; arsye kjo për të cilën, të gjithë ata që kanë shkatërruar pronën publike dhe kanë rrezikuar jetën e qytetarëve do të përgjigjen përpara ligjit.
“Pavarësisht punës së jashtëzakonshme të Emergjencave Civile, Forcave te Armatosura, zjarrfikësve dhe ndihmës së qytetarëve të shumtë, që na u bashkuan si vullnetarë, korriku dhe gushti shënuan një numër të pazakontë zjarresh. 324 vatra zjarri në mbarë territorin e vendit, 1.900 ha pyje, toka bujqësore, kullota, nga zjarre që në 99% të rasteve kanë ardhur jo nga temperaturat e larta, por nga zjarrvënia e qëllimshme!
Ligji do të veprojë me ashpërsinë më të madhe ndaj autorëve të këtyre akteve që rrezikojnë të mirën tonë të përbashkët.” - shprehet ministrja Xhaçka.
Ministrja e Mbrojtjes thekson se, Emergjencat Civile vijojnë të jenë në krye të detyrës për të mbrojtur pronën publike e private, e mbi të gjitha jetën e qytetarëve.
