Situata e zjarreve, sot më 02 gusht 2022, ora 11.30.
Sipas të dhënave nga Qendra Kombëtare Operacionale e Emergjencave Civile ne AKMC, gjatë 24 orëve të fundit janë raportuar 21 vatra zjarri, nga të cilat janë shuar 17 vatra zjarri dhe janë aktive 4 vatra zjarri.
Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në:
• Fshati Pecë, bashkia Finiq;
• Në Lagjen nr. 1 të qytetit Sarandë;
• Fshati Rromës dhe fshati Drashovicë, bashkia Selenicë;
• Fshati Ruzhdie, bashkia Patos;
• Fshati Daullas, bashkia Fier;
• Fshati Balshaj, bashkia Malësi e Madhe;
• Fshati Rrapë, bashkia Pukë;
• Fshati Gjoricë, bashkia Bulqizë;
• Fshati Qerret dhe Fshati Luz i Vogël, bashkia Kavajë;
• Fshati Picar dhe në lagjen Kodër – Vorë, bashkia Vorë.
• Fshati Façesh dhe Fshati Vilëz, bashkia Tiranë.
• Në vendin e quajtur “Ura e Dajlanit”, bashkia Durrës.
• Fshati Metallë, bashkia Shijak.
Në aksionet për shuarjen e flakëve gjatë 24 orëve të fundit janë angazhuar 358 efektivë të forcave zjarrfikës, forcave të armatosura, forca bashkiake, forca policore, punonjës të administratës së zonave të mbrojtura, shërbimi pyjor, forca vullnetare, 28 mjete zjarrfikëse dhe 1 helikopter Cougar, i cili ka operuar në bashkinë Finiq.
Aktualisht janë aktive vatrat në:
• Fshati Postribë, bashkia Shkodër, ku në orët e para te mëngjesit ka filluar operacioni nën drejtimin e bashkisë Shkodër e mbështetur me 60 forca nga FA.
• Në vendin e quajtur “Liqeni i Zi”, bashkia Mat. Ky zjarr ka filluar në mesditën e djeshme në Parkun Kombëtar “Qafe Shtame”. Gjatë ditës së djeshme nuk u bë e mundur izolimi i kësaj vatre. Në orët e para të mëngjesit ka filluar operacioni nga bashkia Mat e mbështetur nga efektive te FA dhe nga ajri me helikopter Cougar të MM
• Fshati Dragobi, bashkia Tropojë, zjarri ka rënë në një sipërfaqe me pyll ahu; po punohet nga bashkia dhe AdZM per fikjen e saj.
• Fshati Shetaj, bashkia Durrës, kemi riaktivizim të vatrës së shuar ditë më parë. Në terren po punojnë forcat zjarrfikëse të mbështetur me 20 efektivë të FA.
U bëjmë thirrje qytetarëve të tregojnë kujdes gjatë këtyre ditëve të nxehta, të njoftojnë për çdo vatër zjarri në kohë të shpejtë pranë shërbimeve zjarrfikëse vendore.
Të gjitha forcat e sistemit të Mbrojtjes Civile janë në gatishmëri të plotë, me kapacitetet e nevojshme për ndërhyrje nga toka dhe nga ajri.
Kujtojmë se zjarrvënia e qëllimshme dënohet sipas ligjit.
