Ministri i Mbrojtjes, Niko Peleshi, ka bërë me dije përmes një postimi në rrjetet sociale se: "50 trupa të Forcave të Armatosura, 5 mjete dhe helikopteri Cougar vijojnë angazhimin prej natës së mbrëmshme në shuarjen e flakëve në malin Shpirag të Beratit, ku zjarri mori përmasa të mëdha.
Puna nga terreni e ajri vazhdon për të vënë në kontroll përhapjen e flakëve, të cilat u favorizuan nga era dhe temperaturat e larta.
Situata është e vështirë për shkak të terrenit, por operacioni i Forcave të Armatosura do të vazhdojë me intensitet për të eleminuar plotësisht çdo vatër.
Do bëjmë të pamundurën për të ruajtur pasurinë tonë kombëtare!
© Ministria e Mbrojtjes 2024 - Të gjitha të drejtat e rezervuara.