Ministri Peleshi uron gratë dhe vajzat e FA: Përkushtimi dhe sakrifica juaj për familjen dhe mbrojtjen e atdheut, e pazëvendësueshme

Ministri i Mbrojtjes, Niko Peleshi uroi me rastin e 8 Marsit, Ditës Ndërkombëtare të Gruas të gjitha gratë dhe vajzat ushtarake. Përmes një videoje, ku shfaqen momente nga stërvitje të ndryshme, ku gratë dhe vajzat janë njësoj të angazhuara si burrat, ministri Peleshi shpreh vlerësimin për kontributin e tyre.

“Gëzuar Ditën Ndërkombëtare të Gruas për të gjitha gratë ushtarake! Përkushtimi dhe sakrifica juaj për familjen dhe mbrojtjen e vendit mbetet i pazëvendësueshëm”, - shprehet ministri Peleshi, teksa shoqëron videon, që mbyllet me mesazhin: “Ne ja dalim në çdo sfidë!”

Aktualisht rreth 20,35% e punonjësve në Forcat e Armatosura janë gra dhe vajza nën uniformë dhe punonjëse civile.