Situata e zjarreve në vend

e enjte, 25 korrik 2024 13:02

Situata e zjarreve në vend, datë 25 korrik 2024 ora 12.30

20 vatra zjarri janë mundur të shuhen në 24 orët e fundit, falë përpjekjeve të pandërprera të forcave operacionale në disa zona të territorit të vendit.

Qendra Kombëtare Operacionale e Emergjencave Civile njofton se 2 vatra zjarri mbeten ende aktive.

Problematike është situata në fshatin Zogaj, bashkia Tropojë, ku terreni i vështirë ka penguar punën, duke bërë që zjarri i rënë në një sipërfaqe me shkurre dhe ferra të riaktiviohet. Operacioni vijon me forcat dhe mjetet e bashkisë Tropojë dhe Has.

Vijon edhe sot operacioni për shuarjen e zjarrit në fshatin Malecaj, bashkia Lezhë. 50 efektivë të FA i janë bashkuar operacionit në këtë zonë, duke shmangur rrezikun ndaj shtëpive të fshatit.

Mirënjohje të gjithë efektivëve për punën dhe sakrificën që bëjnë çdo ditë në shërbim të komunitetit!