Interes i lartë për Muzeun e FA, mikpriti 16 mijë vizitorë që prej çeljes së tij

e shtunë, 10 gusht 2024 15:31

Fotogaleria

Muzeu i Forcave të Armatosura ka mikpritur 16.000 vizitorë, që prej çeljes së tij dhjetorin e vitit të kaluar.Ministri i Mbrojtjes Pirro Vengu, teksa vizitoi mjediset e Muzeut, u fokusua te shtimi i mëtejshëm i koleksioneve dhe te organizimi i aktiviteteve të dedikuara për çdo moshë.

I vendosur vetëm pak kilometra larg qendrës së Tiranës, në një hapësirë të dedikuar për ruajtjen dhe promovimin e koleksioneve dhe historisë ushtarake shqiptare, Muzeu i Forcave të Armatosura është tashmë një destinacion turistik për vizitorët vendas e të huaj, si dhe një pikë referimi për të gjithë koleksionistët e apasionuar pas armatimeve, mjeteve dhe pajisjeve ushtarake. 

Në pavijonet e tij ekspozohen armatime, dokumente dhe objekte që nga koha e ilirëve e deri në ditët e sotme.