Vihen nën kontroll vatrat e zjarrit në bashkinë e Selenicës, ministri Vengu: S’ka rrezik për banorët

e martë, 13 gusht 2024 08:40

Fotogaleria

Strukturat operacionale të Emergjencave Civile, në nivel lokal dhe qendror, nën koordinimin e Agjencisë Kombëtare të Mbrojtjes Civile, kanë arritur të vënë nën kontroll vatrat e zjarrit që kishin përfshirë bashkinë e Selenicës.

Ministri i Mbrojtjes, Vengu, konfirmoi se rreziku për banesat dhe banorët është eliminuar, por situata do të vazhdojë të monitorohet nga afër për çdo eventualitet.

Në ndihmë të forcave vendore janë angazhuar edhe dy ekipe zjarrfikësish nga Forcat e Armatosura, të cilët kanë dhënë një kontribut të rëndësishëm në përballimin e emergjencës.

Mirënjohje të gjithë efektivëve për punën e tyre heroike, në temperatura ekstreme dhe terrene të vështira, në mbrojtje të jetës dhe pronës së qytetarëve. Ata kanë dëshmuar edhe një herë se janë të gatshëm në çdo kohë për t’u përballur me sfidat më të vështira.