Situata e zjarreve në vend

e hënë, 19 gusht 2024 12:42

Situata e zjarreve në vend, datë 19 gusht 2024 ora 09.30:

Pas shumë javësh betejë me zjarret, që përfshinë shumë territore të vendit tonë, sot situata paraqitet më e qetë.

Gjatë 24 orëve të fundit, nga 31 vatra zjarri të raportuara, 28 janë shuar plotësisht, ndërsa vetëm 3 vatra mbeten ende aktive.

Aktualisht, vatra në Arrë, të bashkisë së Kukësit, ajo në Fushë - Lugje të Mirditës dhe vatra në Buçaj të Shkodrës janë të izoluara pa rrezik përhapjeje dhe po monitorohen për të shmangur çdo mundësi riaktivizimi.

Mirënjohje për të gjitha strukturat operacionale të Emergjencave Civile, që nga Forcat Zjarrfikëse, efektivët e Forcave të Armatosura, Policinë e Shtetit, Shërbimin Pyjor, Zonat e Mbrojtura dhe vullnetarët për punën e palodhur dhe angazhimin maksimal. Përkushtimi i tyre i përbashkët ka qenë vendimtar në minimizimin e dëmeve dhe mbrojtjen e jetës dhe pronës së qytetarëve.