Zhvillohet Takimi “NATO Resilience Expert Consultation Meeting”

e enjte, 19 shtator 2024 14:02

Në datat 17-18 shtator në ambientet e Ministrisë së Mbrojtjes u zhvillua takimi konsultues me ekspertë të NATO-s mbi Qëndrueshmërinë.

Të pranishëm në këta takim ishin përfaqësues nga Ministria e Mbrojtjes, Shtabi i Përgjithshëm, AKMC, Ministria e Shtetit për Marrëdhënien me Parlamentin, Ministria për Evropën dhe Punët e Jashtme, Ministria e Infrastrukturës dhe Energjisë, Ministria e Brendshme dhe Policia e Shtetit, Ministri e Bujqësisë, Ministria e Shëndetësisë dhe institucione të tjera.

Gjatë këtij takimi u diskutua me ekspertët e NATO-s mbi progresin aktual dhe vështirësitë në fushën e Qëndrueshmërisë si një nga elementë kryesorë të planifikimit të mbrojtjes në NATO. Ekspertët e NATO theksuan rëndësinë gjithnjë e në rritje që qëndrueshmëria dhe aspekti civil po merr në kryerjen e operacioneve në rast konflikti apo krize.

Ekspertët nënvizuan fushën e gjerë që qëndrueshmëria mbulon si dhe domosdoshmërinë e koordinimit midis institucioneve me qëllim krijimin e sinergjisë në nivel kombëtar për përmbushjen me sukses të shtatë kërkesave bazë të qëndrueshmërisë. Gjithashtu ekspertët ofruan këshilla dhe praktika nga vendet e tyre për t'u marrë në konsideratë gjatë përmbushjes së kërkesave të Qëndrueshmërisë.

Në mbyllje ekspertët shprehën vlerësimin e tyre për organizimin e këtij eventi i cili është tregues i angazhimit dhe rëndësisë që vendi ynë i jep përmbushjes së detyrimeve në fushën e Qëndrueshmërisë.