Ministria e Mbrojtes informon për operacionin e shpëtimit të anijes “Norman Atlantic”.
Qendra e Bashkuar Operacionale po monitoron operacionin përmes anijes së Forcës Detare shqiptare dhe informacioneve që shkëmben me agjencitë simotra greke dhe italiane.
Ora 03:02
Trageti lidhet me kavo çeliku me rimorkiatorët dhe nis lëvizjen drejt Brindizit.
Ora 04:24
Janë evakuuar 221 pasagjerë dhe deri tani një person ka humbur jetën. Operacionet e kërkim shpëtimit vazhdojnë nën koordinimin e palës italiane.
Ora 05:15
Me urdhër të MM dhe SHSHP është nisur nga porti i Durrësit për në zonën e operacionit të kërkim - shpëtimit anija “Lissus”.
Ora 07:45
Flakët e anijes “Norman Atlantic” janë fikur plotësisht
Evakuohet pjesa dërmuese dhe mbeten ende 140 pasagjerë në bordin e anijës të pozicionuar në vende të sigurta.
09: 15
Vazhdon zhvendosja e anijes “Norman Atlantic” drejt Brindizit me 3 rimorkiatorë italianë.
09.30
Në krahun e djathtë të anijës është riaktivizuar një vatër tjetër zjarri, e cila është konstatuar nga anija “Lissus”. Po punohet për vënjen nën kontroll të flakëve dhe shuarjen e zjarrit.
09: 57
Anija “Norman Atlantic” është në gjëndje të lirë pluskimi për shkak të këputjes së kavove të celikut.
Ajo vazhdon të zhvendoset në gjëndje të lirë drejt derdhjes së lumit Seman.
“Lissus” njofton se ka marrë konfirmim nga komandanti i anije italiane “San Giorgio”se në traget kanë ngelur rreth 87 persona dhe dy persona kanë humbur jetën.
Operacioni vështirësohet edhe më tepër nga kushtet klimaterike. Deti është i forcës 5 ballë me lartësi vale 3 m.
13: 00
5 të vdekur, 1 dje dhe 4 sot.
Anija lëviz në gjendje të lirë në drejtim të brigjeve tona.
20 persona në bord
Personat të evakuuar në qendrat e pritjes në Bari, Brindisi dhe Lecce.
Lëvizja e tyre me mjete ushtarake dhe mjete rasti
***
Ministria e Mbrojtjes dhe Shtabi i Përgjithshëm i FA, po ndjekin nga afër operacionin dhe kanë pasur komunikime të vazhdueshme me shtetet fqinjë. Ministrja Kodheli ka komunikuar me homologët e saj italian dhe grek në vijim për situatën. Shefi i Shtabit ka pasur kontakte të vazhdueshme me homologun e tij grek.
Ministria e Mbrojtjes ka marrë kontakte me autoritetet portuale shqiptare, spitalet rajonale, Policinë Kufitare dhe mbetet në gatishmëri të plotë nëse do të lindë nevoja që anija të rimorkiohet drejt brigjeve shqiptare.
© Ministria e Mbrojtjes 2024 - Të gjitha të drejtat e rezervuara.