Pozicione të lira pune në Përfaqësitë Ushtarake të RSH

Pozicionet e lira të punës, për të cilat mund të aplikoni janë:

1. Oficer shtabi për ndërlidhjen dhe mbrojtjen elektronike në Përfaqësinë Ushtarake të Përhershme të RSH në NATO.
   Grada e pozicionit të punës nënkolonel
2. Specialist për financën, protokollin dhe administrator i përfaqësisë ushtarake në Përfaqësinë Ushtarake të Përhershme e RSH në NATO.
   Grada e pozicionit të punës major.
3. Oficer shtabi për stërvitjen NFS, Greqi.
   Grada e pozicionit të punës nënkolonel.
4. Oficer koordinator për operacionet NFS, Turqi.
   Grada e pozicionit të punës major.

Mbështetur në rregulloren për atashetë ushtarakë dhe përfaqësitë ushtarake të Republikës së Shqipërisë, miratuar me urdhër të ministrit të Mbrojtjes nr. 531, datë 02.05.2014 kandidatët duhet të plotësojë këto kërkesa:
1. Të zotërojë gjuhën angleze në përputhje me standardin e NATO, STANAG 6001, në nivelin jo më pak se 3/2/3/2, ose ekuivalent, të vërtetuar nga dokumentacioni përkatës. Përbën avantazh njohja e gjuhës së vendit pritës;
2. Të jetë i pajisur me certifikatën e sigurisë sipas nivelit të kërkuar nga posti respektiv;
3. Të ketë përvojë shërbimi/pune në Ministrinë e Mbrojtjes/Shtabin e Përgjithshëm të FA dhe/ose në komandat e shtabet e forcave, jo më pak se 4 vjet të marra së bashku;
4. Të ketë kryer kurse të ndryshme arsimimi/kualifikimi të nivelit pasuniversitar në fushën e sigurisë dhe mbrojtjes ose në fushën e marrëdhënieve ndërkombëtare dhe diplomacisë;
5. Të ketë integritet moral dhe rezultate të vërtetuara profesionale;
6. Të mos jetë i dënuar më parë me vendim gjykate të formës së prerë, të mos ketë precedent penale dhe detyrime financiare drejt palëve të treta;
7. Të jetë i certifikuar për aftësitë fizike dhe shëndetësore;
8. Të jetë i pajisur me leje drejtimi automjeti.

Aplikimi bëhet individualisht pranë Drejtorisë së Personelit në Shtabin e Përgjithshëm.

Afati i dorëzimit të aplikimeve deri më datë 20.03.2015. ora 16:00.