Kursi “Aspektet ligjore të mbështetjes me burime të mbrojtjes në rastet e emergjencave civile”

Ofrohet pjesëmarrje në kursin “Aspektet ligjore të mbështetjes me burime të mbrojtjes në rastet e emergjencave civile”, në kuadër të programit CETPM/IMET, në periudhën 16 korrik - 08 gusht 2014.
Dokumentacioni i kërkuar të jetë në gjuhën angleze dhe të dorëzohet jo më vonë se 22 maj 2014.

Në kuadër të bashkëpunimit dypalësh me Shtetet e Bashkuara të Amerikës, Ministrisë së Mbrojtjes i është ofruar pjesëmarrja në kursin “Aspektet ligjore të mbështetjes me burime të mbrojtjes në rastet e emergjencave civile (Legal Aspects of Defense Support of Civil Authorities)”, i cili do të zhvillohet në Shtetet e Bashkuara të Amerikës, në periudhën 16.07-08.08.2014.

Kriteret:

Niveli i gjuhës:   anglisht 80 pikë;
Grada:                e pa përcaktuar;
Të tjera:             rekomandohet që personeli i propozuar për ndjekjen e këtij kursi të kryej
                          detyra në shtab, planifikim, këshilltar ligjor ose detyra komanduese

Përshkrimi:

Ky kurs tre javor promovon mbështetjen e autoriteteve civile nëpërmjet burimeve të mbrojtjes në përputhje me parimet demokratike të rregullave dhe ligjeve në fuqi, mbrojtjen e të drejtave të njeriut dhe përdorimi i forcës në mënyrë të arsyeshme. Kursi do të prezantojë mekanizmat ndërkombëtar ligjorë për dhënien e ndihmës humanitare në mënyrën më të mirë të pranueshme dhe në kohën e duhur, për ato vende të cilat janë goditur nga fatkeqësia natyrore.

Qëllimi i kursit është të promovojë përdorimin e burimeve të mbrojtjes me përgjegjësi dhe efikasitet, në mbështetje të forcave të policisë dhe autoriteteve të menaxhimit të emergjencave civile, si dhe të rrisë kapacitetet e vendeve partnere për planifikimin dhe marrjen e asistencës së nevojshme në rastet e një fatkeqësie natyrore, nga Shtetet e Bashkuara dhe nga vendet e tjera donatore.

Propozimet e kandidatëve të mundshëm të shoqërohen me CV-të përshkrimet e punës dhe formularët me të dhëna personale, në gjuhën angleze jo më vonë se 22 maj 2014.

Për informacion dhe paqartësi, lutemi të kontaktoni pikën e kontaktit në DAPSU, Major Tahir Çuka, Tel 510 16 14, e-mail: This email address is being protected from spambots. You need JavaScript enabled to view it..

Drejtoria e Arsimimit dhe Përkujdesjes Sociale të Ushtarakëve në MM