Thirrja e gjashtë e "Programit kombëtar të praktikave të punës"

Ministria e Arsimit, Sportit dhe Rinisë shpall thirrjen e gjashtë të “Programit Kombëtar të Praktikave të Punës”.

Informacionin rreth programit, profileve studimore të kërkuara, numrin e praktikantëve dhe institucionet pjesëmarrëse mund t’i gjeni në linkun:

http://praktika.arsimi.gov.al

Do të gjeni informacione për kriteret, dokumentet dhe mënyrën e komunikimit me institucionet përkatëse dhe nga ku mund të kryeni edhe aplikimin online, pasi të klikoni në butonin “Apliko tani”, ose rubrikën "Aplikimi".

Afati për aplikim është nga data 09 korrik deri më datë 31 korrik 2021.

Në mbështetje të VKM nr. 395, datë 29.04.2015 “Për miratimin e Programit Kombëtar të Praktikave të Punës në Administratën Shtetërore dhe Institucionet e tjera Publike”, i ndryshuar, Ministria e Arsimit, Sportit dhe Rinisë shpall thirrjen e pestë të “Programit Kombëtar të Praktikave të Punës”.

Informacionin rreth programit, profilet studimore të kërkuara, numrin e praktikantëve dhe institucionet pjesëmarrëse mund t’i gjeni në linkun: http://praktika.arsimi.gov.al, nga ku mund të kryeni edhe aplikimin online, pasi të klikoni në butonin “Apliko tani”, ose rubrikën "Aplikimi"..

Aplikimi është i hapur për të rinjtë, që përmbushin këto kritere:

- Të jenë 21-26 vjeç;
- Të kenë përfunduar minimalisht ciklin e parë të studimeve “Bachelor”;
- Të mos kenë qenë pjesë e programit gjatë thirrjeve të mëparshme.

Të rinjtë e interesuar duhet të aplikojnë vetëm në një institucion të caktuar, në të kundërt aplikimi i tyre nuk do të merret në konsideratë.

Dokumentet që duhet të ngarkojnë aplikantët janë :

a - CV (jetëshkrimin) e aplikantit;
b - Letra e motivimit

Afati për aplikim është nga data 09 korrik deri më datë 31 korrik 2021.

Pas mbylljes së aplikimeve, institucionet përkatëse do të lajmërojnë nëpërmjet postës elektronike të përzgjedhurit për të filluar praktikën 3 - mujore, në periudhën 16 gusht 2021 - 16 nëntor 2021.

Pjesëmarrësit do të përfshihen në një përvojë pune, në ndërveprim me profesionistët në administratën publike, institucionet e tjera publike, njësitë e vetëqeverisjes vendore, dhe shoqëritë tregtare, me qëllim përfitimin e njohurive praktike, pasurimin e jetëshkrimit të tyre, zgjerimin e rrjetit të kontakteve, aftësimin e mëtejshëm për punën në grup, përshtatshmërinë me ambientin e punës, ndërmarrjen e iniciativave etj.

Të gjithë praktikantët që e përfundojnë praktikën me sukses pajisen me certifikatë lëshuar nga Ministria e Arsimit, Sportit dhe Rinisë dhe Departamenti i Administratës Publike dhe periudha 3 - mujore e praktikës njihet si përvojë pune nga Departamenti i Administratës Publike.