Ftesë për pjesëmarrje në Ditën e Industrisë

e martë, 28 Maj 2024 14:42

Ministria e Mbrojtjes së Republikës së Shqipërisë ju fton të merrni pjesë në Ditën e Industrisë, e cila do të zhvillohet në Tiranë, Shqipëri, më datë 11 qershor 2024, pranë Qendrës së Inovacionit së Sigurisë dhe Mbrojtjes.

Qëllimi kryesor i këtij aktiviteti është të prezantojë rrugët e mundshme për kompanitë shqiptare për t'u bërë pjesë e proceseve të prokurimit me agjencitë e NATO-s dhe Departamentin e Mbrojtjes së SHBA (DoD), duke kontribuar në fushën e projekteve të rëndësishme për sigurinë kolektive të aleancës.

Në këtë aktivitet, kompanitë e biznesit do të kenë mundësinë për t’u njohur nga afër me veprimtarinë kryesore të dy agjencive të NATO-s, NATO Support and Procurement Agency (NSPA); NATO Communication and Information Agency (NCIA) si dhe Departamentin e Mbrojtjes së SHBA (DoD).

Gjatë këtij aktiviteti, do të prezantohen procedurat e prokurimit, legjislacioni dhe kushtet/kriteret që duhet të plotësojnë operatorët ekonomikë në Shqipëri për të marrë pjesë në prokurimet ndërkombëtare, si dhe rritja e bashkëveprimit, shkëmbimi i informacionit dhe ndërveprimi nëpërmjet operatorëve ekonomikë dhe agjencive të NATO-s.
Gjithashtu Ministria e Mbrotjes do të adresojë tek partnerët e biznesit qasjen e saj për rijetësimin e Industrisë së Mbrojtjes.

Me qëllim realizimin me sukses të këtij aktivitetit, ju njoftojmë që brenda datës 4 qershor 2024, jeni të lutur të konfirmoni pjesëmarrjen tuaj me maksimumi 2 (dy) përfaqësues për çdo operator ekonomik, sipas formularit bashkëlidhur (në format word), në pikat e kontaktit si më poshtë:

- major Tereza Matraku, Specialist në Drejtorinë e Modernizimit, Ministria e Mbrojtjes
e-mail: This email address is being protected from spambots. You need JavaScript enabled to view it.,

- kapiten Merzo Lengo Specialist në Drejtorinë e Modernizimit,
e-mail: This email address is being protected from spambots. You need JavaScript enabled to view it.

- nënkolonel Perparim Arriku,
drejtor i Modernizimit, e
e-mail: This email address is being protected from spambots. You need JavaScript enabled to view it..