Afati i dërgimit të kandidaturave për kursin e gjuhës greke, është data 29 janar 2015.
Personeli i përzgjedhur për të ndjekur kursin e gjuhës greke, duhet të jetë i motivuar dhe të promovohet për t`u kualifikuar, në Institucionet e Larta Arsimore Ushtarake, në Greqi.
Kualifikimet e ofruara nga pala greke në vite janë si më poshtë vijon:
A. Studime në Shkollën e Mbrojtjes Kombëtare, në Athinë, periudha e zhvillimit 1 vit akademik (2015 - 2016).
Në bazë të urdhrit Nr. 407, datë 09/04/.2014, të ministrit të Mbrojtjes “Për miratimin e tabelës së ekuivalentimit të kurseve të kryera jashtë shtetit nga personeli i Forcave të Armatosura”, kualifikimi në Shkollën e Mbrojtjes Kombëtare, në Athinë, ekuivalentohet me K6 dhe K7.
Kriteret për të ndjekur këtë kurs janë:
- Të jetë oficer me gradën nënkolonel;
- Të kenë njohuri të gjuhës greke;
- Të ketë kryer Kursin e Komandës dhe Shtabit të Përgjithshëm në vendin e tij ose ekuivalent jashtë vendit.
B. Studime në Shkollën e Lartë të tre llojeve të forcave, në Selanik, periudha e zhvillimit 1 vit akademik (2015-2016).
Në bazë të urdhrit Nr. 407, datë 09/04/2014, të Ministrit të Mbrojtjes “Për miratimin e tabelës së ekuivalentimit të kurseve të kryera jashtë shtetit nga personeli i Forcave të Armatosura”, kualifikimi në Shkollën e Lartë të tre llojeve të forcave, në Selanik, ekuivalentohet me K 5.
Kriteret për të ndjekur këtë kurs janë:
- Të jetë oficer me gradën major;
- Të kenë njohuri të gjuhës greke;
- Të ketë kryer Kursin Themelor të Oficerit të Shtabit në vendin e tij ose ekuivalent jashtë vendit.
Kandidatët e propozuar nga strukturat përkatëse duhet domosdoshmërish të shoqërohen me të dhënat e personelit dhe certifikatat përkatëse, të cilat vërtetojnë plotësimin e kritereve të kursit. Në rast të kundërt, kandidatët e propozuar nuk do të jenë pjesë e procedurave të mëtejshme të përzgjedhjes.
© Ministria e Mbrojtjes 2024 - Të gjitha të drejtat e rezervuara.