Dalin në shitje avionët MiG të FA

Shqipëria ka pasur një flotë luftarake ajrore relativisht të madhe me avionë luftarakë, të tipeve Mig 15, MiG 17, MiG 19 dhe MiG 21.

Avioni MiG për herë të fundit ka fluturuar në Aeroportin e Kuçovës, në nëntor të vitit 2004.

Ministrja e Mbrojtjes znj. Mimi Kodheli, ka urdhëruar fillimin e procedurave ligjore për shitjen me ankand për qëllime muzeale, skrap, etj, të stokut të avionëve “MiG” që Forcat e Armatosura të Shqipërisë kanë trashëguar prej Luftës së Ftohtë.

Avionët në fjalë pas demilitarizimit të tyre dhe pas veçimit të pjesës që do të mbahet për muzeumet shtetërore të vendit tonë, pjesa tjetër do t’u ofrohet për shitje me ankand koleksionistëve dhe të gjithë subjekteve të interesuar.