Shërbimi Ushtarak Rezervist

Shërbimi Ushtarak Rezervist organizohet dhe funksionon si pjesë përbërëse e strukturës së Forcave të Armatosura të Republikës së Shqipërisë. Ai shërben për të siguruar individë të trajnuar, me qëllim kompletimin e strukturës së Forcave të Armatosura të Republikës së Shqipërisë, ruajtjen e nivelit të gatishmërisë dhe operacionalitetit të kërkuar, rritjen e kapaciteteve të mbrojtjes, të nevojshme në rastet e përkeqësimit të gjendjes së sigurisë, si dhe për plotësimin e detyrimeve kombëtare në kuadër të NATO-s, operacioneve në përgjigje të krizave, operacioneve të mbështetjes së paqes e të sigurisë rajonale e globale, si dhe operacioneve të emergjencave civile.

Ligji 125/2024 përcakton rregullat për organizimin dhe funksionimin e shërbimit rezervist në Republikën e Shqipërisë, të drejtat, detyrimet dhe përgjegjësitë e shtetasve, të organeve shtetërore e subjekteve private për mobilizimin dhe shërbimin ushtarak në rezervë.

VKM nr. 663, datë 12.11.2025 përcakton kriteret, procedurat e pranimit, titullimit e të gradimit të ushtarakut në Shërbimin Ushtarak Rezervist.

Udhëzim i MM nr. 1155, dt 27.06.2025 përcakton ndër të tjera edhe procedurat e rekrutimit në Shërbimin Ushtarak Rezervist në Forcat e Armatosura.

Procedurat e planifikimit për rezervist

a) Në janar të çdo viti, Komandat e Forcave, strukturat mbështetëse dhe strukturat e tjera të Forcave të Armatosura, që kanë strukturë rezerviste paraqesin pranë Drejtorisë së Personelit në Shtabin e Përgjithshëm (J-1), nevojat dhe kërkesat për kompletimin e Tabelave të Organizimit dhe Pajisjeve me personel ushtarak rezervist të nevojshëm për vitin, sipas prioriteteve, kategorive të personelit, reparteve, etj.
b) Drejtoria e Personelit dhe Drejtoria e Operacioneve dhe Stërvitjes në Shtabin e Përgjithshëm të FA (J-1, J-3), mbi bazën e nevojave dhe kërkesave, harton planin vjetor për kompletim të strukturës rezerviste si dhe planin e aktivizimit të forcave rezerviste për zhvillimin e stërvitjeve e të veprimtarive të tjera të Forcave të Armatosura.

Kriteret e përgjithshme

a) të jetë shtetas shqiptar;
b) të mos jetë dënuar me burgim me vendim të formës së prerë të gjykatës për kryerjen e një krimi;
c) të jetë i moshës:
i. deri 50 vjeç për ushtar;
ii. deri 55 vjeç për nënoficer;
iii. deri 60 vjeç për oficer.
d). të mos jetë në ndjekje penale dhe në proces gjykimi;
e). të jetë vlerësuar i aftë për ushtarak aktiv nga Komisioni Mjekësor Ushtarak;
f). të ketë rezultuar pa probleme gjatë verifikimit të kushtit të sigurisë të kryer strukturat përgjegjëse. 3.

Procedurat e aplikimit për rekrutim në shërbimin ushtarak rezervist nga:

a) Ushtaraku në shërbimin në rezervë apo shtetasi, që dëshiron të bëhet pjesë e shërbimit ushtarak rezervist në FA si oficer, nënoficer dhe ushtar/detar, do të aplikojnë: online, si dhe pranë Qendrës së Personel Rekrutimit.
b) aplikantët plotësojnë formularët e aplikimit dhe pranimit të dokumentacionit brenda afatit përcaktuar;
c) procedura, kriteret, dokumentet, rregullat e përzgjedhjes bëhen publike në faqen e internetit të MM.

Regjistrimi i kandidatëve për rekrutim në shërbimin ushtarak rezervist, dokumentacioni i nevojshëm për regjistrim në QPR:

- kërkesë me shkrim për pranim në shërbimin ushtarak rezervist;
- vërtetimin e karrierës ushtarake si ushtarak aktiv i Forcave të Armatosura të lëshuar nga Qendra e Personel Rekrutimit, origjinal ose fotokopje e noterizuar; vërtetimin e lëshuar nga Gjykata e Rrethit Gjyqësor, nga Prokuroria e Rrethit, vërtetimin - e gjendjes gjyqësore (dëshmi penaliteti), origjinal ose fotokopje të noterizuar.
- formularët e vetëdeklarimit gjyqësor, të pastërtisë së figurës, ndryshimeve në gjerenalitete, shoqëruar, kur është e mundur, me dokumentet provuese;
- dokumenti i aftësisë për punë i qendrës shëndetësore të lëshuar nga mjeku i familjes si dhe ekzaminimet mjekësore, grupin e gjakut të lëshuar nga drejtoritë e shëndetit publik ose laborator mjekësor të licencuar për këto analiza;

Shtetasi shqiptar që nuk ka qenë më përpara, pjesë e shërbimit aktiv dhe pranohet në shërbimin ushtarak rezervist, paraqet krahas dokumenteve të përcaktuara më sipër, edhe fotokopjen e noterizuar të dëftesës/diplomës shkollës/universitetit, së bashku me listën e notave.

Formulari i kërkesës për pranim në shërbimin ushtarak rezervist;
Formulari i aplikimit për ushtar/nënoficer/oficer në shërbimin ushtarak rezervist;
Formular vetëdeklarimi;
Formular vetëdeklarimi për gjendjen shëndetësore të kandidatit për shërbim ushtarak rezervist;
Formular i pranimit të dokumentacionit