Forcat e Armatosura iu bashkuan në Shkodër nismës së Ministrisë së Turizmit dhe Mjedisit: “Pastrojmë Shqipërinë që duam”.
Bashkë me ministrin Blendi Klosi, përfaqësuesit e pushtetit vendor dhe të rinj vullnetarë, efektivët e Batalionit I të Këmbësorisë (b1k) në Vaun e Dejës morën pjesë në aksionin për pastrimin rehabilitimin dhe gjelbërimin në qytetin e Shkodrës.
Forcat e Armatosura ndihmuan në transportin dhe mbjelljen e rreth 5700 fidanëve në malin e Taraboshit, si edhe në pastrimin e bregut të lumit Buna.
Ministri i Turizmit dhe Mjedisit Blendi Klosi falënderoi të gjithë ata që iu bashkuan nismës së institucionit që ai drejton, si edhe bëri thirrje për çdo qytetar për t’u bërë pjesë e aksionit të pyllëzimit të plotë të 20 milionë pemëve deri në vitin 2020.
© Ministria e Mbrojtjes 2024 - Të gjitha të drejtat e rezervuara.