Shqipëria merr sërish drejtimin e Brigadës së Europës Juglindore, Peleshi: Krenari dhe privilegj, FA janë vlerësuar në mënyrën më dinjitoze!
Ministri i Mbrojtjes, Niko Peleshi ka bërë me dije me anë të një postimi në mediat sociale që nga sot Shqipëria merr drejtimin e Brigadës së Europës Juglindore (SEEBRIG).
Gjithashtu bëri të ditur se drejtimi i SEEBRIG ndodh për herë të dytë si pjesë e procesit të Ministerialit të Mbrojtjes së Evropës Juglindore SEDM.
Ai shkruan: “Krenari dhe privilegj që Forcat tona të Armatosura janë vlerësuar në mënyrën më dinjitoze në arenën ndërkombëtare.
Gjeneral brigade Bilbil Bitri, do të jetë për një mandat trevjeçar komandant i Brigadës së Europës Lindore, të dislokuar në Kumanovë të Maqedonisë së Veriut.
Suksese të përzemërta për gjeneral Bitrin, në këtë rrugëtim sfidues!
Shpresëplotë që ai do vazhdojë të bëjë krenar vendin tonë dhe të përfaqësojë me dinjitet Forcat e Armatosura të Republikës së Shqipërisë.”
Artikuj nga Newsroom
e martë, 29 prill 2025
