Zyrtarisht operacioni i kërkim - shpëtimit në zonat Durrës e Thumanë, me të dëmtuarat nga tërmeti i 26 nëntorit ka përfunduar!
Në 3 ditë bilanci i viktimave shkon në 51, nga të cilët 47 u nxorën nga rrënojat, përmes operacioneve ku morën pjesë rreth 250 efektivë të kërkim - shpëtimit nga Shqipëria, Kosova, Italia, Greqia, Mali i zi, Serbia, Kroacia, Franca, Turqia, Zvicra, Rumania, Maqedonia e Veriut, BE, Shtetet e Bashkuara të Amerikës etj.
Po bëhen saktësimet e fundit të gjeneraliteteve të viktimave përmes familjarëve të tyre për të dalë më pas me listën përfundimtare emërore.
Lidhur me kërkimet e fundit në "Miramare" nuk është gjetur asnjë trup.
Pas kërkim - shpëtimit në terren, ekspertë shqiptarë e të huaj nisin punën për verifikimet e dëmeve në terren.
Përditësim për viktimat:
47 persona të nxjerrë nga rrënojat;
1 person humbi jeten si pasojë e aksidentit pas dëmtimit nga tërmeti;
1 person u hodh nga lartësia për shkak paniku;
1 person pësoi infarkt pas goditjeve
1 person ka ndërruar jetë në spital.
***
Ministria e Mbrojtjes, përmes Agjencisë për Mbrojtjen Civile bën me dije se, në fuksion të informimit të qytetarëve të dëmtuar nga tërmeti, të cilët kanë nevojë për ndihma ushqimore, apo veshmbathje, është në dispozicion të tyre numri i posaçëm tek Qendra Kombëtare Operacionale:
+355 69 41 10 198.
Kontaktoni në këtë numër për të mësuar vendndodhjen e pikës më të afërt për shpërndarjen e ndihmave.
