Efektivë të Forcave të Armatosura në bashkëpunim me ata të Policisë së Shtetit po qendrojnë në çdo supermarket dhe bankë në fashat e orareve 6.00 – 10.00 dhe 16.00 – 18.00 për të mundësuar zbatimin e rregullave të vendosura për këto ditë, teksa vendi është prekur nga COVID - 19.
Efektivët e FA dhe Policisë së Shtetit po garantojnë që qytetarët të respektojnë këshillat e specialistëve të shëndetësisë, oraret si dhe ruajtjen e distancës mes njëri -tjetrit.
Ministrja e Mbrojtjes Olta Xhaçka, përmes postimit të fotove nga puna e efektivëve në terren shpreh mirënjohjen për çdo ushtarak dhe punonjës të Policisë së Shtetit që është në krye të detyrës në këto ditë të vështira.
“Këta djem që shikoni në foto kanë lënë në shtëpi familjet e tyre e po bëjnë të pamundurën për t’ ju mbrojtur në mënyrën më të mirë që ata dinë: Disiplinimin!” - shprehet ministrja e Mbrojtjes, duke u kërkuar qytetarëve të respektojnë masat mbrojtëse në mjediset publike dhe të qendrojnë në shtëpi.
© Ministria e Mbrojtjes 2024 - Të gjitha të drejtat e rezervuara.