Veç burrave, efektivë të ushtrisë, në terren në këto ditë të vështira janë edhe qindra gra e vajza, efektive të Forcave të Armatosura. Ministrja e Mbrojtjes Olta Xhaçka ka zgjedhur t’i falënderoi ato, përmes postimit të disa fotove nga puna e përditshme e këtyre grave e vajzave, gjatë kohës së patrullimit në komunitet. Ato shihen duke këshilluar qytetarët të respektojnë masat mbrojtëse ndaj mospërhapjes së COVID - 19.
Pjesë e vijës së parë të luftës janë edhe mjekë të Forcave të Armatosura, për të cilët ministrja e Mbrojtjes shpreh mirënjohje dhe falenderim që kanë lënë familjet dhe janë çdo ditë në ballë të kësaj beteje.
“Me qindra gra e vajza, efektive të Forcës së Armatosur janë në terren si pjesë e patrullimit në komunitet. Mirënjohje për sakrificën dhe kontributin e tyre dhe të gjithë efektivëve dhe mjekëve të Forcës së Armatosur, shumë prej të cilëve janë sot në vijën e parë të betejës me COVID-19, duke lënë në shtëpi familjet e tyre. Faleminderit për shërbimin.”, - shkruan në postimin e saj në rrjetin social, ministrja e Mbrojtjes.
© Ministria e Mbrojtjes 2024 - Të gjitha të drejtat e rezervuara.