Ministrja e Mbrojtjes Olta Xhaçka dhe ambasadorja e SHBA në Tiranë, Yuri Kim kanë inspektuar punimet për rinovimin e strukturës speciale për eleminimin e materialeve të rrezikshme në Batalionin e Xhenios në Komandën Mbështetëse, një bashkëpunim me Departamentin e Mbrojtjes të Shteteve të Bashkuara të Amerikës.
Ambasadorja e SHBA ka vlerësuar kontributin që Shqipëria ka dhënë përmes efektivëve të saj të Forcave të Armatosura në misione të ndryshme në kuadër të NATO.
Nga ana e saj, ministrja e Mbrojtjes, Olta Xhaçka nënvizoi faktin se SHBA, si aleat strategjik ka treguar se vazhdon të qendojë krah për krah Shqipërisë për modernizimin e FA për më shumë siguri dhe profesionalizëm në fushën e Mbrojtjes.
Në projekt parashikohet rinovimi për ruajtjen e sigurisë në Batalionin e Xhenios në Tiranë si edhe në depot e municionit në Mirakë, Elbasan.
VIDEO
© Ministria e Mbrojtjes 2024 - Të gjitha të drejtat e rezervuara.