Presidenti i Republikës së Shqipërisë, sh.t.z. Ilir Meta, ka dekretuar sot emërimin e gjeneral brigade Arben Kingji komandant të Forcës Tokësore dhe gjeneral brigade Ilir Xhebexhia komandant të Forcës Detare.
Dekretet, si më poshtë vijojnë:
“Në mbështetje të nenit 93 dhe nenit 169, pika 3, të Kushtetutës, të nenit 9, pika 3, germa “c“, e ligjit nr.64/2014,“Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozim të Ministrit të Mbrojtjes me nr. prot. 4264/1, datë 01.10.2020,
Dekretoj
Neni 1
Gjeneral brigade Arben Voke Kingji, me detyrë Komandant i Batalionit të Mbështetjes, në Shtabin e Përgjithshëm të Forcave të Armatosura, emërohet “Komandant” i Forcës Tokësore.
Neni 2
Ky dekret hyn në fuqi menjëherë.
Nr. i Dekretit 11573
Tiranë, më 02.10.2020
Presidenti i Republikës
Ilir Meta
****
“Në mbështetje të nenit 93 dhe nenit 169, pika 3,t ë Kushtetutës, të nenit 9, pika 3, germa “c“, e ligjit nr.64/2014,“ Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozim të Ministrit të Mbrojtjes me nr. prot. 4264/1, datë 01.10.2020,
Dekretoj
Neni 1
Gjeneral brigade Ilir Hasan Xhebexhia, me detyrë Zëvendëspërfaqësues Ushtarak në NATO, Atashe Ushtarak i RSH në Belgjikë dhe jo-rezident në Francë, në Përfaqësinë Ushtarake Jashtë Vendit, në Ministrinë e Mbrojtjes, emërohet “Komandant” i Forcës Detare.
Neni 2
Ky dekret hyn në fuqi menjëherë.
Nr. i Dekretit 11574
Tiranë, më 02.10.2020.
Presidenti i Republikës
Ilir Meta
© Ministria e Mbrojtjes 2024 - Të gjitha të drejtat e rezervuara.