Zhvillohet analiza e 300 ditëve të para të punës së Ministrisë së Mbrojtjes

Foto Galeri

Në Ministrinë e Mbrojtjes është zhvilluar sot analiza e 300 ditëve të para të punës që nga krijimi i qeverisë së re.

Në këtë aktivitet të rëndësishëm ishin të pranishëm zëvendëskryeministri i Shqipërisë, z. Niko Peleshi, ministrja e Mbrojtjes, znj. Mimi Kodheli, deputetë të Kuvendit të Shqipërisë, gjeneralë, drejtorë, drejtues të lartë ushtarakë e civilë në Ministrinë e Mbrojtjes dhe Shtabin e Përgjithshëm, si dhe përfaqësues nga strukturat e Forcave të Armatosura.

Aktiviteti u zhvillua në formën e një bashkëbisedimi, ku fillimisht nga paneli kryesor zëvendësministri i Mbrojtjes, z. Dritan Hila paraqiti një ekspoze të shkurtër të punës që është bërë gjatë këtyre 300 ditëve nga Ministria e Mbrojtjes në luftën kundër korrupsionit në FA; ndërsa drejtori i Drejtorisë së Bashkëpunimit Civilo-Ushtarak në Shtabin e Përgjithshëm, kolonel Manushaqe Shehu, bëri një prezantim të punës dhe angazhimit të strukturave të FA në operacionet në ndihmë të komunitetit, në aksionet për pastrimin e rrugëve nacionale dhe zonave turistike nga ndotjet në të gjithë vendin. Më pas drejtori i Drejtorisë Juridike, zj. Yllka Lamçe, foli për reformën ligjore dhe ristrukturimin e FA gjatë këtyre 300 ditëve, ndërsa drejtori i Drejtorisë së Operacioneve dhe Stërvitjes në Shtabin e Përgjithshëm, kolonel Idriz Haxhia informoi mbi dinamikën operacionale në Forcat e Armatosura. Prezantimet e mësipërme, nëpërmjet një monitori u shoqëruan edhe me sekuenca filmi dhe prezantime, që ilustronin veprimtaritë e Forcave tona të Armatosura. 

Ministrja e Mbrojtjes Kodheli në fjalën e saj i bëri një rezyme të gjithë punës së dikasterit që ajo drejton, ndërsa shprehu vendosmërinë e saj për të luftuar korrupsionin çdo ditë brenda kësaj strukture dhe për të ndërtuar një Forcë të Armatosur tërësisht në përputhje me kërkesat e NATO. “Ndihem e privilegjuar e krenare që punoj mes jush, duke ditur kufizimet e vështirësitë që hasni çdo ditë. Të gjithë duhet të ndihemi të tillë dhe t’i shërbejmë atdheut, misioni ynë është një dhe i vetëm, mbrojtja e të ardhmes. Më shumë punë na pret. Dhe mos harroni, me profesionalizmin dhe përkushtimin tuaj, ditë më të mira na presin”, nënvizoi ajo.

Të pranishmit në këtë aktivitet i përshëndeti zëvendëskryeministri i Shqipërisë, z. Niko Peleshi, i cili përgëzoi Ministrinë e Mbrojtjes, Shtabin e Përgjithshëm, ushtarakët dhe punonjësit civilë të strukturave ushtarake për arritjet e shënuara gjatë këtyre 300 ditëve dhe për kontributin e dhënë për t’i rikthyer dinjitetin Forcave të Armatosura, por edhe besimin tek partnerët tanë ndërkombëtarë.

***

Fjala e plotë e ministres së Mbrojtjes Kodheli

I nderuar zoti zëvendëskryeministër,

Të nderuar deputetë, gjeneralë, miq nga Kosova, ushtarakë, zonja e zotërinj!
Mirëdita të gjithëve!

Kemi mbushur 300 ditë së bashku në këtë përpjekje për të transformuar rrënjësisht një realitet, i cili po bëhej gjithnjë e më shumë problematik me kalimin e ditëve. Po e nis fjalën pikërisht me transformimin e realitetit problematik, sepse kjo ka qenë sfida e parë e përpjekjes tonë të përbashkët që nga dita kur nisëm punën në atë mes shtatori të vitit 2013. Kam hyrë në Ministrinë e Mbrojtjes në një ditë gri, çuditërisht me një shi të beftë shtatori dhe mes një atmosfere të nderë. Simbolikat ishin të shumta dhe të spikatura. Por, ajo që pashë në sytë e disa prej ushtarakëve që më pritën atë 16 shtator, më la të kuptoja një gjë të qartë dhe të vetme.

Në këtë strukturë nuk vlente më karriera, profesionalizmi, aftësitë por vetëm vështrimi i ministrit dhe lidhja me partinë në pushtet. Një menaxhim personeli jashtë çdo imagjinate dhe parashikimi, një situatë financiare e goditur rëndë nga borxhet e akumuluara ndër vite, një bazë ligjore e cila i përkiste periudhës 2003-2005, përbënin thelbin e realitetit në të cilën ju, të nderuar ushtarakë, përpiqeshit t’i mbijetonit sistemit.

Por përgjigjet e dilemave të mia i gjeta mes jush. Që në orët e para, u takova me burra dhe gra në uniformë të cilët vazhdonin të luftonin për dinjitetin e tyre. Mes jush të nderuar miq në uniformë, gjeta zgjidhjet për përmirësimin e situatës. Forcat e Armatosura në thelb janë të bazuara në rregull, traditë dhe nder. Këto elementë, të kombinuar me ruajtjen e vlerave demokratike dhe kontrollin civil mbi Forcat e Armatosura, i gjeta të cenuar rëndë.

Dhe përsëri e theksoj, zgjidhjet i gjeta mes ushtarakëve dhe për ushtarakët. Ka gjithmonë dritë në fund të tunelit. Drita ishit ju. Programi i Qeverisë për 300 ditët e para në fushën e Mbrojtjes, përmban objektiva ambiciozë të cilat kërkojnë vijimin e reformave dhe transformimin e mëtejshëm të Forcave tona të Armatosura, krijimin e kapaciteteve të nevojshme ushtarake për përballimin e sfidave të Sigurisë dhe Mbrojtjes, si dhe vendosjen e tyre në lartësinë që meritojnë në shoqërinë shqiptare.

Në qendër të reformave është lartësimi i figurës dhe integritetit të ushtarakut, nëpërmjet zhvillimit të politikave të nevojshme në fushën e personelit, legjislacionit, promovimit në karrierë, rritjen e transparencës, llogaridhënies, si dhe eliminimin e korrupsionit në Forcat e Armatosura.

Struktura e re e Forcave të Armatosura:
Një nga dokumentet e parë strategjikë që u hartua në fillimet e 300 ditëshit tonë të parë, ishte dhe struktura e re e Forcave të Armatosura, në përgjigje të realiteteve në të cilat gjendemi dhe në funksion të burimeve që janë në dispozicion. Nuk e kishim menduar që edhe për strukturën do të hasnim një rezistencë të pakuptimtë, të paargumentuar dhe shumëmujore, por i rëndësishëm është fakti që prej pak ditësh e kemi në dorë strukturën dhe kemi nisur programin për implementimin e saj. Struktura vazhdon të vërë fokusin në një forcë të vogël numerikisht, por sa më mirë të pajisur dhe trajnuar, sipas standardeve të NATO.

Kuadri ligjor:
Paralelisht me hartimin e strukturës së re, nisëm punën për përmirësimin e kuadrit ekzistues ligjor që rregullon mbarëvajtjen e Forcave tona të Armatosura, si në raport me detyrimet ndaj Aleancës, por dhe në funksion të realiteteve të reja që po kalojmë. Ligji i ri për Autoritetet dhe Pushtetet në Forcat e Armatosura, ka përcaktuar qartë zinxhirin drejtues dhe përgjegjësitë kushtetuese të çdo autoriteti të komandimit. Anëtarësimi në NATO, qenia pjesë e strukturave operacionale të Aleancës, sillte si domosdoshmëri sjelljen e praktikave me të mira të vendeve tona partnere. Jam e bindur se, bazuar në propozimet e vetë strukturave të Forcave të Armatosura, kemi bërë të mundur një përkufizim më të qartë të punës sonë të përditshme. Thelbësisht në këtë frymë është dhe Ligji për Karrierën Ushtarake në Forcat e Armatosura. Nuk do të ndalem në detajet e teknikës legjislative, por thjesht dua të them se jemi të vendosur të çojmë deri në fund atë që kemi nisur. Asnjë interes personal mbi të mirën e përgjithshme, asnjë kompromis me zbatimin dhe respektimin e Kushtetutës dhe ligjeve në funksion të saj.

E padyshim, nuk mund të le pa përmendur ligjin e ri për Agjencinë e Inteligjencës dhe Sigurisë së Mbrojtjes. A e kishte menduar njeri se në shekullin e 21-të, në një vend anëtar të NATO, në një vend kandidat për në Bashkimin Evropian, shërbimi inteligjent ushtarak të përdorej kundër opozitës si në skenarë juntash të republikave të bananeve. Dhe hileja qëndronte që në objektin e veprimtarisë së shërbimit. Në zbatimin e ligjit të ri nuk do të ketë më vegla në shërbim të partive në pushtet. Ligji dhe vetëm ligji do të mbizotërojë në Forcat e Armatosura të Republikës së Shqipërisë.

Reforma në personel:
Në këto 300 ditë të para, nga kolegët ushtarakë kam kërkuar një gjë thelbësisht parimore: ngritjen e sistemeve. Sistem transparent, të thjeshtë, të qartë dhe të kuptueshëm për të gjithë të interesuarit. Për përparimin në gradë, trajnimet, kurset, pjesëmarrjen në operacione. Kudo. Dhe po ia arrijmë. Në bashkëpunim me Shtabin e Përgjithshëm kemi krijuar një frymë të re e cila po i jep efektet e saj. Standardet e NATO dhe eksperiencat më të mira janë në thelb të asaj që po bëjmë. Nuk ka kthim mbrapa. Kemi nisur një projekt pilot tepër interesant me Shtetet e Bashkuara të Amerikës, që do të shërbejë si guri i themelit për konsolidimin e këtij sistemi në të ardhmen.

Batalioni i Këmbësorisë së Motorizuar:
Modernizimi i Forcave të Armatosura me armatim, teknikë, pajisje dhe sisteme të zhvillohet në përputhje me objektivat e planit afatgjatë, duke synuar plotësimin e kapaciteteve operacionale për pjesëmarrjen në misionet brenda dhe jashtë vendit. Për vite me radhë i ishte premtuar Aleancës që kjo njësi do të ishte e gatshme, si detyrimi ynë kryesor në kuadër të kapaciteteve të kërkuara nga NATO. Nuk dua ta zgjas me si-të dhe pse-të. Ju ushtarakë e dini më mirë se unë arsyet e vërteta të vonesës. Në këto 300 ditë të para, i caktuam prioritetet, i vumë piketat dhe jam krenare të them se ky batalion do të ketë armatim dhe pajisje të standardeve të NATO-s brenda këtij viti. Për herë të parë një njësi ushtarake shqiptare nuk do të përdorë më kallashnikovin si pjesë e armatimit personal, por karabinën M4, e cila përdor municion të kalibrit 5.56mm të NATO.

Pjesëmarrja në Operacione:
Shpreh mirënjohjen e thellë ndaj të gjithë atyre që shërbejnë, së bashku me aleatët tanë, në misionet tona jashtë vendit, në ruajtje të paqes dhe sigurisë. Ata do të mbeten pjesa më vitale e shoqërisë dhe e Forcave tona të Armatosura. Ne mbetemi tërësisht të angazhuar të kontribuojmë edhe pas përfundimit të misionit ISAF. Do të jemi të pranishëm në të gjitha frontet e Aleancës. Po shikojmë mundësinë e angazhimit edhe në operacionet e Bashkimit Evropian. Një vend kandidat merr përsipër edhe përgjegjësi. Dhe ne jemi gati.

Angazhimet në ndihmë të komunitetit:
Shqipëria, nga një vend i cili do përpunonte mbetjet e veta dhe të disa vendeve evropiane, ishte shndërruar në një përqendrim hedhurinash, në çdo pikë kalimi kufitar. Ishit ju, të nderuar ushtarakë që pastruat të gjitha pikat e hyrëse në Shqipëri nga përqendrimi i më shumë se i plehrave, i paaftësisë dhe indiferencës. Ishit ju, kolegë në uniformë, që pastruat nga mbeturinat dhjetëra kilometra plazhe dhe i bëtë gati për sezonin e ri turistik. Jeni ju, ushtarakë të Forcave të Armatosura që po përmirësoni kushtet e sigurisë në plazhe dhe zonat shlodhëse në bregdet me prezencën tuaj gjatë gjithë sezonit turistik.

Gjatë këtij 300 ditëshi ne përmirësuam rrënjësisht menaxhimin financiar dhe kontrollin, që çdo qindarkë e destinuar për FA të shkojë detyrimisht aty ku është projektuar. Në funksion të mirëmenaxhimit të parave u ngritur një audit funksional, i cili po mbështet arritjet e objektivave tona për përdorimin efektiv dhe efikas të të gjitha burimeve ekonomike.

Infrastruktura:
Që në fillim të herës ne ndërpremë gjithë veprimtarinë abuzive me pronat e Forcave të Armatosura. Kemi nisur një proces rigoroz të verifikimit dhe plotësimit të dokumentacionit për çdo pronë.

Korrupsioni:
Numri i dosjeve që kemi çuar në prokurori do të vazhdojë të shtohet, për këtë ju garantoj. Çdo qindarkë e shpenzuar nga buxheti i Mbrojtjes do të kalojë në lupën e drejtësisë. Dhe këtu dua të bëj të qartë një gjë. Korrupsionin do ta luftoj fort, shumë fort. Dhe nuk e kam kokën vetëm mbrapa. Po shoh, ndjek me vëmendje dhe ruaj çdo aktivitet financiar që mund të ketë pasoja korruptive. Askush nuk është më i paprekshëm.

Të nderuar të pranishëm,

Në këto 300 ditë kanë ndodhur shumë ngjarje të cilat kanë formatuar karrierat tona. Kemi pasur dhe momente shqetësuese, por edhe njëkohësisht absurde akuzash të pabaza si ato për trafik droge. Por ne nuk do ta lejojmë askënd të na tregojë më me gisht, as hajdutët as abuzuesit.

Për një gjë jam e bindur: që ndihem e privilegjuar e krenare që punoj mes jush, duke ditur kufizimet e vështirësitë që hasni çdo ditë. Të gjithë duhet të ndihemi të tillë dhe t’i shërbejmë atdheut, misioni ynë është një dhe i vetëm, mbrojtja e të ardhmes. Më shumë punë na pret. Dhe mos harroni, me profesionalizmin dhe përkushtimin tuaj, ditë më të mira na presin.

Ju faleminderit!




Apliko tani! Bëhuni pjesë e FA Shtator - Nëntor 2022 Nisin rekrutimet për ushtarë/detarë në Forcat e Armatosura, Ministria e Mbrojtjes e konsideron thelbësore për Forcat e Armatosura rekrutimin e ushtarëve me një profil sa më të lartë, në kushtet e një profesionalizmi....
Momente kulmore nga stërvitja "Defender Europe 21" të publikuara nga Ambasada e SHBA në Tiranë Korrik 2021 Gjatë muajve maj dhe qershor, Shqipëria mikpriti aspekte të rëndësishme të "Defender Europe 21", stërvitja vjetore shumëkombëshe e përbashkët...
Fillon stërvitja “Defender Europe 21“ Maj 2021 Nga Durrësi fillon stërvitja “Defender Europe 21“, me pjesëmarrjen e rreth 28 mijë trupave shumëkombëshe...
Festat në FA, fëmijët e ushtarakëve sjellin surprizë një “Musical” Dhjetor 2020 Pandemia nuk i ka ndalur fëmijët e ushtarakëve të presin bukur festat e fundvitit. Ashtu siç është tashmë traditë edhe këtë vit ata kanë sjellë një koncert surprizë për bashkëmoshatarët e tyre.
Pavarësisht kufizimeve të pandemisë operacionaliteti i FA vazhdon... Dhjetor 2020 Kapacitetet dhe operacionaliteti i Forcave të Armatosura janë prioritet, pavarësisht kufizimeve të pandemisë...
Gëzuar Ditën e Pavarësisë së Shqipërisë Nëntor 2020 108 vite pas shpalljes së pavarësisë, flamuri ynë valëvitet në çdo cep të botës përmes heronjve tanë nën uniformë, të cilët qëndrojnë krenarë krah përfaqësuesve të vendeve aleate, në çdo mision të NATO, BE & OKB.
Emergjencat Civile dhe FA më të mirëpajisura dhe më dinjitoze në përballimin e fatkeqësive natyrore Nëntor 2020 Reformimi i emergjencave civile nisi me ligjin e ri “Për Mbrojtjen Civile” dhe krijimin i Agjencisë Kombëtare që do të...
Nënshkruhet Memorandumi i Mirëkuptimit dhe Bashkëpunimit midis AKMC dhe TIA 15 Tetor 2020 Sot, më datë 15 tetor 2020, në mjediset e Tirana International Airport (TIA) u organizua takimi për nënshkrimin,...
Dita Ndërkombëtare për Zvogëlimin e Rreziqeve nga Fatkeqësitë Tetor 2020 Agjensia Kombëtare e Mbrojtjes Civile (AKMC) ka organizuar në bashkëpunim me Kryqin e Kuq Kombëtar, prefekturat,...
Brezi i parë i kadetëve për studimet bachelor në Akademinë e Forcave të Armatosura Tetor 2020 Brezi i parë i kadetëve për studimet bachelor në Akademinë e Forcave të Armatosura po merr formë ditë pas dite...
Programi bachelor i studimeve në fushën e Shkencës Ushtarake, Akademia e FA Shtator 2020 Në tetor 2020 hapet programi bachelor në Akademinë e FA. Ky është edhe momenti kur akademia do të rifitojë me të drejta...
MM dhe FA ditë pas dite pranë qytetarëve në përballimn e vështirësive të krijuara nga COVID - 19 Qershor 2020 Ministria e Mbrojtjes dhe Forcat e Armatosura ditë pas dite kanë qenë pranë qytetarëve gjatë gjithë periudhës së lockdown...
Dekorata nga NATO dhe Afghanistani për ushtarakët e Forcave të Armatosura Qershor 2020 MONS, Belgjikë - zëvendësshef i Shtabit për Operacionet në SHAPE (Supreme Headquarters Allied Poëers Europe), gjeneralmajor Barre Seguin i dorëzoi...
Si të mbrohemi nga COVID -19? Mars 2020 Ministria e Mbrojtjes dhe Forcat e Armatosura të Republikës së Shqipërisë, si pjesë e strukturave shtetërore, po ndjekin nga afër dhe kanë marrë masat për parandalimin e përhapjes së COVID-19...
Kryesimi i Nismave Rajonale SEDM dhe A5 Shtator 2019 Shqipëria është një ndër vendet e rajonit më aktive në kuadër të Nismave Rajonale, kjo jo vetëm për shkak të anëtarësimit...
“Albanian Effort 19” 19 shtator 2019“Albanian Effort 19” mblodhi në Bizë rreth 800 efektivë nga Shqipëria, SHBA, Mbretëri e Bashkuar, Turqia, Kroacia, Polonia, Italia, Gjermania, Bullgaria, Mali i Zi, Maqedonia e Veriut dhe Kosova...
Angazhimi i FA në shuarjen e zjarreve 09 shtator 2019Muajt korrik edhe gusht edhe pse më të nxehtët e vitit shënuan një numër të pazakontë zjarresh. Ministrja e Mbrojtjes, Olta Xhaçka thekson se gjatë kësaj periudhe në vend ka pasur 324 varta zjarri...
Direktiva e Mbrojtjes 2022Janar 2022 Dokumenti bazë mbi planet dhe programet e punës e të veprimtarive të MM, të FA në përmbushje të misionit kushtetues, si dhe detyrimeve si vend anëtar i NATO...
Revista Mbrojtja Nr. 4 (2022) Gusht 2022Numri i fundit i revistës "Mbrojtja"...
Gazeta Ushtria 29 korrik 2022Numri i fundit i të përjavshmes gazeta "Ushtria"...






Arkivi Lajmeve
Gusht 2022
Ma En Pr Sh Di
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4