Ramstein - Gjermani: Ministri Mbrojtjes z. Pirro Vengu mori pjesë në takimin e 24-ët të Grupit të Kontaktit për Mbrojtjen e Ukrainës (UDCG), koalicion i përbërë nga të gjitha vendet e NATO-s dhe më shumë se 18 vende partnere, të bashkuar dhe të vendosur për të ndihmuar Ukrainën kundër pushtimit të paprovokuar të nisur nga Rusia që prej shkurtit 2022.
Gjatë Ministerialit për Mbrojtjen e Ukrainës (UDCG), ministri i Mbrojtjes, Pirro Vengu diskutoi për çështje të ndryshme me interes dypalësh me homologët e Italisë, Britanisë së Madhe, Kanadasë dhe Letonisë.
Rijetësimi i industrisë ushtarake, një nga pikat qendrore të programit të qeverisë shqiptare, ishte në qendër të bisedimeve me homologët, ndërsa u dakordësuan edhe veprimtari të përbashkëta që kanë lidhje me sigurinë ndërkombëtare në kuadër të NATO.
Iniciativa e Evropës Juglindore (SEEBRIG), një nismë rajonale e Ministrave të Mbrojtjes së vendeve të Evropës Juglindore (SEDM) ka shënuar 25 - Vjetorin e Themelimit të saj, në një ceremoni, të organizuar në bazën ushtarake të Kumanovës "Boro Menkov", në Maqedoninë e Veriut.
Brigada e Evropës Juglindore drejtohet prej gushtit të vitit të kaluar nga Shqipëria, pikërisht nga gjeneral brigade Bilbil Bitri. Ky është mandati i dytë që kryesohet nga vendi ynë, që nga themelimi i kësaj iniciative dhe do të zgjasë deri në vitin 2026.
Akti normativ i Këshillit të Ministrave injekton 440 milionë lekë në fazën e parë të projektit për rijetësimin e Industrisë Ushtarake.
Konkretisht, janë alokuar 290 milionë lekë për shlyerjen e detyrimeve të prapambetura të uzinave të industrisë ushtarake ndaj punonjësve, ish-punonjësve, bashkive dhe enteve të tjera.
Gjatë 24 orëve të fundit janë raportuar 25 vatra zjarri. Falë reagimit të shpejtë dhe të organizuar të strukturave të Mbrojtjes Civile në nivel vendor dhe qendror janë shuar 23 vatra zjarri.
Vatër problematike ka qenë në fshatin Shishtavec, bashkia Kukës, e cila është izoluar plotësisht, falë ndërhyrjes së koordinuar të efektivëve të Forcave të Armatosura dhe helikopterit Cougar.
