Koncepti strategjik i NATO

Krerët e shteteve pjesëmarrës të NATO miratuan Konceptin e ri Strategjik për Aleancën në Madrid më 29 qershor 2022, duke përcaktuar prioritetet, detyrat kryesore dhe qasjet e Aleancës për dekadën e ardhshme.

Koncepti ripohon vlerat dhe tregon qartazi qëllimin kryesor të NATO për të siguruar mbrojtjen kolektive. Në dekadën e ardhshme, tre detyrat kryesore të NATO janë: 1. parandalimi dhe mbrojtja; 2. parandalimi dhe menaxhimi i krizave dhe 3. bashkëpunimi për sigurinë.

Nisma e NATO 2030 synon një Aleancë të gatshme për t'u përballur me sfidat e së nesërmes.

Për më shumë ndiqni lidhjen: https://www.nato.int/strategic-concept/

Historiku i marrëdhënieve NATO-Shqipëri

Qershor 1992, Shqipëria aplikon dhe pranohet zyrtarisht në Këshillin e Bashkëpunimit të Atlantikut të Veriut (NACC).
Dhjetor 1992, shënohet vizita e parë zyrtare nga Presidenti i Shqipërisë, Z. Sali Berisha, në selinë e NATO-s ku takohet me Sekretarin e Përgjithshëm të Aleancës Z. Manfred Verner.
19 Mars 1993, për herë të parë, viziton Shqipërinë Sekretari i Përgjithshëm i NATO, Manfred Verner.
Maj 1993, Shqipëria pranohet anëtare e Asamblesë së Atlantikut të Veriut.
Janar 1994, NATO lëshoi dokumentin ftesë të Partneritetit për Paqe, duke e përcaktuar atë si një program të drejtpërdrejtë dhe një mekanizëm praktik për të transformuar marrëdhëniet ndërmjet NATO dhe shteteve jo anëtare, kryesisht të ‘Bllokut Lindor”, që nuk përfshiheshin nën “ombrellën e sigurisë” sipas artikullit 5 të saj.

Lexo më shumë...