Këshilltar në Kabinetin e ministrit të Mbrojtjes
2021 -
Këshilltar pranë Kabinetit të Ministrit të Mbrojtjes që prej korrikut të 2021.
Këshilltar pranë Kabinetit të Ministrit të Mbrojtjes prej korrikut 2021.
Ka kryer studimet e larta për Drejtësi në Universitetin e Tiranës, Fakulteti i Shkencave Politike dhe Juridike, në vitet 1988 –1992 duke marrë titullin “Jurist”.
Karriera profesionale e tij ka nisur në vitin 1992 ku emërohet inspektor në Komisionin e Kontrollit të Shtetit, në Tiranë. Në vitet 1993 - 2000 ka punuar si jurist në Dhomën e Tregtisë dhe Industrisë, Tiranë në disa pozicione drejtuese, si këshilltar ligjor; sekretar i Gjykatës së Arbitrazhit; përfaqësues në ICC, Paris; drejtor i Drejtorisë Juridike dhe Markave, Patentave dhe Dizajnove; anëtar në disa borde drejtuese në institucionet shtetërore si anëtar i Bordit në Drejtorinë e Standardeve dhe Cilësisë, anëtar i Komitetit të Ekspertëve Kontabël të Autorizuar, anëtar në Bordin Drejtues të Drejtorisë së Metrologjisë dhe Peshëmatjes dhe në të njëjtën kohë Këshilltar i Jashtëm i Ministrit të Jashtëm; anëtar në grupe pune ndërinstitucionale lidhur me hartimin e legjislacionit kryesisht tregtar dhe atë të pushtetit lokal.
Prej vitit 2000 deri në vitin 2004, ka punuar si drejtor i Drejtorisë së Prefekturave dhe shef i Kabinetit të Ministrit në Ministrinë e Pushtetit Lokal, Tiranë. Në periudhën shtator 2004 - dhjetor 2005 ka ushtruar funksionin e sekretarit të Përgjithshëm në Ministrinë e Rendit Publik.
Gjatë vitit 2017 ka punuar si këshilltar ligjor në Inspektoratin e Lartë të Deklarimit dhe Kontrollit të Pasurive, Tiranë.
Ka njohuri shumë të mira në gjuhën angleze dhe italiane si dhe është njohës i gjuhës serbe.
Fusha e angazhimit: Këshilltar ligjor, mbulon punën lidhur me kontrollin dhe mbikëqyrjen e hartimit të projekt-akteve ligjore dhe nënligjore nga drejtoritë përkatëse në Ministrinë e Mbrojtjes si dhe në Agjencinë Kombëtare të Emergjencave Civile.
This email address is being protected from spambots. You need JavaScript enabled to view it.
