Anisa Hoxha

Drejtor i Kabinetit të Ministrit të Mbrojtjes

Anisa Hoxha është drejtor i Kabinetit të Ministrit të Mbrojtjes që prej nëntorit të vitit 2024.

Eksperte në fushën e financave dhe menaxhimit të riskut, me një karrierë të qëndrueshme në sektorin publik dhe atë privat. Në detyrën e saj të fundit deri në tetor 2024, ajo ka mbajtur pozicionin si Drejtoreshë e Divizionit të Financave dhe Marrëdhënieve Tregtare pranë Autoritetit Portual Durrës. Më parë, nga 2014 në 2023 ka qenë e angazhuar në menaxhimin e riskut financiar e kryesisht të riskut të kredisë në pozicionet e ekspertit të lartë në sektorin bankar shqiptar.

Përveç karrierës profesionale, ka qenë e angazhuar nga 2016 në 2022 paralelisht edhe në fushën akademike, si Pedagoge e Ftuar pranë Departamentit të Financës në Fakultetin Ekonomik të Universitetit të Tiranës, duke ndarë njohuritë konkrete dhe eksperiencën e saj me breza të rinj profesionistësh.

Anisa Hoxha ka një formim akademik të rëndësishëm, me një Master Shkencor në Financë dhe Risk nga Universiteti i Bath-it (University of Bath, School of Management) në Mbretërinë e Bashkuar në 2013 dhe një diplomë Bachelor në Financë nga Fakulteti Ekonomik i Universitetit të Tiranës në 2012.

Ajo është e njohur për aftësitë e saj analitike, menaxheriale dhe komunikuese. Gjithashtu, zotëron një nivel të lartë të gjuhëve angleze dhe greke.

This email address is being protected from spambots. You need JavaScript enabled to view it.